傳完詩詠到香香
馬國明自爆多女爭 136,933 
■馬國明取代陳豪筍盤之位，昨日更自爆多女爭。
陳豪被陳茵媺私有化後，無綫頭號筍盤之位即被馬國明取代。與胡定欣分手後的馬國明緋聞日日新，繼朱晨麗後，昨日又傳與唐詩詠撻着，馬國明昨日在將軍澳電視廣播城出席華姐記者會時，還自爆岑麗香將加入搶馬大軍，感情關係錯綜複雜。
馬國明去年台慶頒獎禮上一幕「天然呆」，率真個性冧死女，自宣佈單身後，無綫很多花旦姐仔都爭住「落定」。最近傳他與兄妹相稱的唐詩詠暗交三個月，馬國明上周三（13日）39歲生日，二人相約到大坑冰室撐枱腳。
■馬國明和唐詩詠一直以兄妹相稱，最近傳暗交三個月。資料圖片 審美睇腳兼睇腰
擔任華姐評判的馬國明昨日在將軍澳電視廣播城與16位華姐見面，他透露自己眼光獨到：「唔一定大眼先靚，我會睇腳同腰。」問他是否與唐詩詠拍拖？他笑着否認：「佢有打畀我，問我『乜我哋有拍拖三個月咩？』哈哈哈，當搞笑囉，多謝雜誌畀個封面我，當日都影到我同林子善一齊食飯。」
問是否接收唐詩詠？馬國明瞪大眼睛說：「吓？咁勁！當宣傳。」他再三強調唐詩詠是好女仔，問是否因女方未搞清與崔建邦的關係，所以未有行動，他說：「唔關事，私下好少傾感情事，做朋友同女友要求唔同，對女友要求多啲。」
馬國明更自爆即將有新緋聞：「噚日（前日）喺化妝間俾人問完係咪同詩詠，又俾另一間（雜誌）問我香香（岑麗香）點？我咪又話好囉。早前去咗《衝上雲霄Ⅱ》導演屋企燒嘢食，預咗又俾人寫。」香香昨日在電話中讚馬國明好nice：「相信佢有好多女仔追，但感情要有特別火花，對佢未有，大家只係專業合作。」
■香香讚馬國明人品好，但雙方欠缺火花。
資料圖片 朱晨麗短訊審問
唐詩詠昨在電話中直認馬國明是筍盤，但問到是否拍拖？她與馬國明口徑一致說：「唔係事實，但多謝佢新一年送個封面畀我，大家睇得開心OK，感情事隨緣。」
馬國明的緋聞女友朱晨麗昨日在電話中哈哈笑說：「我有用短訊問佢，佢話食飯啫。」她否認與馬國明拍拖，問到有沒有甩難感覺？她說：「如果佢哋拍拖都幾好，會祝福佢哋。」
採訪：何慧斯
攝影：林德雄
馬國明冧香香BBQ撻着
貴為圈中筍盤的男神馬國明，異性緣相當旺盛，更深得一班圈中花旦歡心，先後跟胡定欣、朱晨麗及唐詩詠傳出緋聞，個個爭住為馬國明「封盤」，不過他似乎不為所動，昨日反而自爆在新年期間與「宅男女神」岑麗香BBQ，而香香則大讚馬國明「好Nice好好人」，令另一緋聞女友朱晨麗非常冇癮︰「呢啲嘢問番佢哋。」
圈中不少筍盤早已被Mark實，未「封盤」的39歲男神馬國明，感情生活自然受外界關注，不少女藝人對他虎視眈眈，早前他與朱晨麗的緋聞傳得熱烘烘，近日又與唐詩詠傳緋聞，不過馬國明昨日自爆與去年上位的「宅男女神」岑麗香（香香）有新緋聞。馬國明昨日出席《2013國際中華小姐競選》活動，原本只被追問與唐詩詠的緋聞，但他卻口多多自爆「之前同香香去聚會BBQ」，關係似乎不簡單，他說︰「尋日我都覺得奇怪，喺化妝間又有記者問我覺得香香點，好唔好，大家對我感情生活比我阿媽仲關心，其實我知佢問乜，因為之前同香香、工作人員去導演度聚會。」問到覺得香香為人如何？他說︰「係問我邊個女仔，我係答好好o架啦！」
「預咗會有緋聞」
成為新緋聞女友的香香昨日接受電話訪問，提到馬國明指他倆人早前BBQ，她笑說︰「唔係情人節去，係新年期間成班去，而且我哋唔係一齊去。」對於因此傳出緋聞，她甜笑說︰「哈哈！唔係啩！依家到我喇！講真，我哋冇乜嘢，入行預咗會有緋聞。」雖然否認拍拖，但其後卻大讚馬國明︰「我覺得佢好Nice，好好人，不過冇諗有冇得發展，聽到好多女仔講佢係筍盤，但我喺外國返嚟，唔係咁清楚啲人背景。」
曾跟馬國明傳緋聞的朱晨麗，昨日在電話中被問到馬國明與香香的緋聞，她語帶醋意地說︰「呢啲嘢問番佢哋，之前佢話想有多啲緋聞，依家多咗，恭喜佢成功咗。」問到是否呷醋？她說︰「我點會呷醋，做嘢都冇時間。」她強調與馬國明是朋友，雖然已很久沒有見面，但卻大讚對方︰「同佢一段時間冇見，但過年都有傳訊息恭賀佢。其實佢為人孝順又好人，幾欣賞佢，佢係筍盤嘛！但發展呢啲隨緣啦！依家專注工作。」
「個個都有機會」
至於昨日有報道指他與唐詩詠秘撻3個月及拍到共膳？馬國明否認︰「佢有打畀我問『乜我哋拍咗拖3個月？』真係搞笑，之前都有報道過，只係成班人去林子善度食飯。」他表示當對方是妹妹，但問二人有否發展機會？他想一想才說︰「佢性格好，但唔知佢嗰邊（崔建邦）點，其實大家都唔會問對方感情。（單身會追佢？）唔知，做朋友嘅要求唔同女朋友。」而唐詩詠則於電話中直言「個個都有機會」追求︰「佢幾好人，大家關係幾好，但同佢拍多幾套劇先，呢啲嘢隨緣！」
岑麗香
年齡：28歲（1984年11月17日）
身高：1米64
三圍：33C、23、33.5
代表作：2010年國際中華小姐冠軍，憑劇集《巴不得媽媽……》獲封「宅男女神」。
朱晨麗
年齡：25歲（1987年12月2日）
身高：1米68
三圍：34C、23、34.5
代表作：2011年香港小姐冠軍，有「翻版陳法拉」之稱，因拍劇集《名媛望族》與馬國明傳緋聞。
第一手消息請下載on.cc東方互動iPhone/iPad/Android Apps
專案組
馬國明昨日出席活動時，自爆農曆新年期間與「女神」岑麗香BBQ。
岑麗香被問到與馬國明傳緋聞即哈哈大笑，並表示知道對方是筍盤。
朱晨麗大讚馬國明為人孝順及好人。
馬國明和岑麗香早前出席無綫職藝員聯歡晚宴時，不時密密斟。
傳因拍劇撻着的馬國明和朱晨麗，日前齊齊挽手出席活動。
馬國明 岑麗香BBQ火速升溫
無綫藝人馬國明堪稱圈中筍盤，自與胡定欣甩拖後，先後與朱晨麗、唐詩詠等傳出緋聞。馬國明昨日自爆農曆新年期間與「女神」岑麗香BBQ，又讚對方好女仔，看來「香香女神」被寵幸了。
馬國明與陳法拉昨日以大會評判身份出席「2013國際中華小姐競選」活動，馬國明自爆農曆新年曾與「女神」岑麗香BBQ，令人二人關係升溫。問覺得香香為人如何？他直說：「你問我邊個女仔，我都係答好好o架啦！大家對我感情生活比我阿媽更關心。我哋係去導演屋企燒嘢食，同事聚會啫，都冇車佢出入。」
香香昨日則透過電話表示當日不是情人節，問覺得馬國明為人如何？她說：「哈哈哈，佢份人幾Nice幾好人。（有機會發展？）冇諗呢啲，聽好多女仔講佢係筍盤，但我外國返嚟唔清楚啲人背景。唔係啩？到我嘞（指緋聞）？講真都冇乜嘢，入行都預咗傳緋聞。」
陳法拉向佳麗分享參選心得。
馬國明否認當日與唐詩詠單獨食飯，同行還有其他人。
香香樣子甜美，就連「男神」馬國明亦被她迷倒。（資料圖片）
讚詩詠性格好
馬國明自爆與香香BBQ之際，另一邊廂又傳出與唐詩詠拍拖三個月，並被拍得共餐，他對此解釋：「搞笑！成班人去林子善度食飯啫。不過詩詠為人、性格都幾好。（發展？）唔知佢嗰邊點（指唐詩詠與崔建邦）。」問到若對方單身會否展開追求？他認真想了一會後才說：「唔知呢，朋友同女友要求唔同。」唐詩詠則透過電話直認「個個都有機會」：「馬國明好好人，同佢拍多幾套劇先啦，隨緣。（係你杯茶？）要相處吓先，依家大家關係幾好。」
曾與馬國明傳緋聞的朱晨麗，被問怎看馬國明與岑麗香這一對？她在電話中說：「呢啲問番佢哋。（呷醋？）點會，工作都冇時間。同佢一段時間冇見，但過年都有傳訊息恭賀。佢為人孝順又好人，筍盤嘛！（發展？）隨緣。」
文：影視組
拍檔撻着譜戀曲
圈中有不少姻緣都是因拍劇或電影促成，同劇演員日對夜對而日久生情，關係突飛猛進，繼而成為情侶。
楊冪劉愷威
內地女星楊冪與港星劉愷威前年5月因拍攝《如意》墮入愛河，去年年初更在微博大方承認戀情，而劉愷威亦曾送贈值3,000萬港元的香港豪宅給楊冪。
陳豪陳茵媺
「無綫筍盤」陳豪兩年前因與陳茵媺合作劇集《心戰》而撻着，前年11月更被本報踢爆二人在深井半同居，去年11月更被網友踢爆蜜遊法國。
羅仲謙楊怡
無綫花旦楊怡在2011年拍攝劇集《On Call 36小時》而跟羅仲謙譜出戀曲，同年11月二人被拍到在大埔BBQ，而去年楊怡奪視后一刻，更發現謙仔眼濕濕。
陳豪、陳茵媺
羅仲、謙楊怡
留言列表
