close
下個月就生得嘅湯盈盈，個肚又圓又大，但面口同手腳一啲都唔腫，係肥胎唔肥人嗰款。
嘻！生啦生啦！（設計對白）
同你吟一吟
樂樂寸步不離盈盈
預產期喺下一個月嘅湯盈盈，霸定頭位生娛圈第一個蛇 B，由拍拖到有餡結婚，盈盈樂樂開花結果，展開新一階段。
老婆臨盆在即，錢嘉樂寸步不離，揸車做司機，陪湯盈盈去九龍城，買火鍋料返屋企烚吓烚吓。目的地係侯王道方榮記，盈盈入去做買手，樂樂就喺外面睇車，等到咁上下，收到老婆 call，先落車入去幫手攞嘢。
默契十足之餘，打扮亦襯晒，兩公婆都著黑，戴粗黑框眼鏡。一齊五年，分分合合，感情經過考驗。眼前嘅一家三口，特別密不可分。
收到老婆 call，本來喺外面看車嘅錢嘉樂落車鎖門入去拎嘢，湯盈盈就幫兩手都拎住火鍋料嘅佢開車尾箱。
就快做老豆，同老婆戴情侶眼鏡嘅錢嘉樂，全程咪咪嘴笑，好幸福。
盈盈樂樂走咗冇耐，《壹》仔又喺同一條街見到婚齡較長嘅汪阿姐同羅家英，家英哥同朋友落車買餸，阿姐就留喺車 hea住等。
買完嘢，羅家英剝住瓜子返上車，兩公婆繼續做乘客，由朋友做司機。
全站熱搜
留言列表
