close


雖然備受聲沙困擾，但Eason於YY Concert唱〈浮誇〉時仍然大大力，唱得好辛苦。

一向吹得唱得，講過自己「唔錫聲」嘅陳奕迅，今年4月將於倫敦世界級舞台O2 Arena舉行個唱。英國讀書嘅Eason，得知批出場地時勁興奮，能有Madonna、Beyoncé呢啲級數先上得O2，Eason仲要係第一位華人歌手到此神壇！不過，近年Eason巡迴騷賺到笑，但演唱卻頻頻沙聲破音，原來最近2年Eason慘受聲帶生了2個繭困擾，因開刀要1個月不能說話，更要半年停止唱歌，Eason拒絕接受手術，只靠藥物和中醫治療。若情況失控惡化，Eason分分鐘要失聲停工。


去年12月，完成《DUO世界巡迴演唱會》福州站之後，陳奕迅向公司請了4個月大假，入行咁耐，Eason從未放假超過1個月，除咗因為左膝踢波激烈過度，導致十字韌帶斷裂需動手術外，原來最大困擾係聲帶生了2個繭。在剛剛黃偉文作品展上，Eason都係死頂唱，高音唔到位都嗌爆，超專業。難為台下緊張細心嘅老婆徐濠縈就同乖女「包包」睇到「呀」一聲，暗自擔心。

晚晚打開聲針
Eason世界巡迴，由上年3月香港開始，到溫哥華、台北、北京等排住隊唱，暫時已排到今年7月，共五十多場。其實Eason生繭已有好幾年，據知，醫生亦有勸佢做手術一了百了，不過，除咗風險高外，手術後亦需要6個月停工休息，最慘係頭1個月更唔可以說話，吹神點頂得住？知情人士說︰「阿徐都叫老公快啲做手術，亦有叫Eason上到台唔好搏晒命嗌，但Eason又點會聽話，一上到台就忘晒形，阿Y（黄偉文）個concert話就話係友情客串，但Eason唱足咁多晚之餘仲嗌沙咗把聲，晚晚打開聲針，家要keep住睇中醫。」

罕有停工
其實Eason都知驚，上年尾已急急叫停大部分工作休息，因為今年4月，Eason將返故鄉英國嘅世界級舞台O2 Arena開騷，曾於O2舉辦過演唱會嘅國際巨星多不勝數，包括Lady Gaga、 Madonna、 Beyoncé 和Coldplay等；而倫敦騷後，5月Eason又會折返內地繼續唱，不過距離內地演唱會仲有2個多月，鄭州個唱已發現有假飛出售，可說當黑！關於Eason聲帶生孖繭告急一事，其經理人公司發言人譚小姐對本刊回應：「可能天氣轉，佢係有少少聲沙！但係家冇嘢㗎喇！」

名醫求救
上年10月，Eason曾到武漢求醫，原來王菲、劉嘉玲都係呢位著名中醫李杰嘅客仔。

多後遺症
歌手開show遇上失聲，好多都選擇打開聲針，不過耳鼻喉專科黃雅信醫生話開聲針絕不能長打，「打開聲針只係短暫令聲帶散腫，不適用於慢性聲帶病變，亦不可以長期使用，否則會導致類固醇的後遺症，如骨骼疏鬆、胃炎及精神錯亂等後遺症。」至於聲帶生多過一個繭有咩分別？「代表患者發聲方法有問題，應先接受言語治療。手術後一般聲線會有改善。」

月使50萬
Eason係一家三口嘅經濟支柱，加上有傳父親陳裘大肝病需花上千萬醫藥費，Eason負擔甚重。04年，Eason以2,200萬購入嘉崙臺、亦於08年以套現賣出3,500萬，現租住的司徒拔道曉廬，面積達3,487呎月租便要20萬，加上囡囡學費、生活費，陳氏每月起碼要使50萬。

5年80騷
Eason自誇係大中華歌手絕對冇錯，全中國各地開show都有價有市，07年嘅《Eason's Moving on Stage演唱會》足足巡迴咗2年共26個站，近年再升呢之後，上年開始嘅《DUO陳奕迅世界巡迴演唱會》更加站站停，唱到今年7月已經有50幾場，都仲未完喎！聲帶唔生繭就奇。 ####

 
辛苦皺眉放4個月大假，Eason都為好友Wyman撐場，但明顯愁容滿面，唱唔到時仲好忟憎！

 
老婆擔心 Eason台上唱到幾乎失聲，台下拎住個暖水壺嘅賢妻阿徐卻暗自擔心。


在容納23,000人嘅O2 Arena開show，係國際一線歌手嘅夢想。


Lady Gaga


Beyoncé


武漢名醫




老豆周身傷，阿徐又忙為時裝事業打拼，本週一包包放學由工人負責。


Eason腳傷之外，聲帶仲生孖繭，可謂外憂內患。《蘋果日報》圖片


Eason為家人出心出力，有傳父親陳裘大嘅醫藥費高達千萬，當時有指Eason要賣樓套現。《忽然1周》圖片


11年4月成都


11年7月澳洲


11年9月北京


11年12月高雄

arrow
arrow
    全站熱搜
    創作者介紹
    創作者 litalife 的頭像
    litalife

    818 娛樂八掛大放送★

    litalife 發表在 痞客邦 留言(0) 人氣()

    E-mail轉寄