close
食住糖嘅心悠，同一班義工喺超級市場掃貨，由乾糧到生果，買咗好多袋。
同你吟一吟
劉心悠深水埗做義工
香港人做善事，出名熱心！娛樂圈好心人亦唔少，出錢出力，劉心悠兩樣做齊。
過年前（二月八日），《壹》仔先喺九龍城撞見劉心悠，同個朋友食完麵離開，再搭的士去咗深水埗，會合一班男女，一齊入超市掃貨。
《壹》仔最初都唔明，點解唔喺九龍城買埋，要專登搭車幫襯深水埗區啲超市？乾糧生果，一班人買到上倉咁，一人幾袋走。只見手又係膊頭又係嘅劉心悠，跟住大隊，喺附近一帶周圍巡，見到露宿者就派，明晒啦！
比起陳慧琳捐片酬，古天樂將所有商演活動收入用嚟起學校，幫長期病患俾藥費之類，劉心悠付出嘅金錢數目雖然有限，但幫人份心意，就絕無分別，都好好呀！ 
跟隨義工去深水埗探露宿者，心悠親手派餅。
出發去深水埗前，心悠先同一女子喺九龍城速食打定底。
買完嘢，喺水深埗地鐵站等齊人。
除咗大大袋乾糧，是夜仲有派飯盒（箭嘴）。
全站熱搜
留言列表
