close


9/2扯煙消磨一向煙癮超大嘅關淑怡，早前（2月9日）本刊發現佢喺愉景灣一室外coffee shop食下午茶，個幾鐘嘅tea time時間，只係食咗3支煙，算有進步㗎喇。

神化Diva關淑怡，09年滿約星娛樂後，一直hea住做，但單親媽咪要獨力養大12歲兒子，難怪45歲關淑怡屢傳經濟出問題。眼見彭羚喺Wyman騷唱兩嘴驚為天人，靚聲關淑怡（Shirley）最近亦開始密謀復出，據知成功氹掂有米大少Juno麥浚龍泵水出碟。今次Shirley更一改頹風，終於肯去睇牙醫整番靚棚牙，又密密做gym keep住身形，仲搵埋王敏慧（梅艷芳生前經理人）做經理人，今劑有誠意㗎！


90年代天后關淑怡停出唱片近兩年，最近放風傳欲以300萬簽新碼頭，金牌大風及星娛樂唱片公司等已展開爭奪戰，但最新消息係Shirley嘅有米fans麥浚龍有意打本畀偶像東山復出，最近的新合唱歌〈鎖骨〉派台，由錄音、混音的製作費全由Juno埋單。

入紙紅館
據知關淑怡一直擔心被樂迷忘記，為咗試水溫，Shirley先擔任關心妍演唱會嘉賓，前週又出席now芒果台獻唱，見反應唔錯更已準備於紅館再開個唱。知情人士說︰「Shirley今次好緊張，舊歌版稅收入同開騷係佢唯一收入，始終個仔都大喇，又要供書教學，佢曾經有諗過賺一嚿錢就離開香港！今次Juno開到聲幫手，加上佢哋識咗5、6年，有晒默契。」

「我同Juno好夾」
復出有誠意，早前本刊更發現關淑怡專程由大嶼山愉景灣住所，搭船出銅鑼灣一牙科診所整靚棚牙。對於東山再起，關淑怡說︰「最近搵咗Marianne（前梅艷芳經理人王敏慧）幫手，佢想我今年開騷，所有嘢都傾緊㗎喇。其實，我同Juno好夾，佢真係好正，我哋音樂上好一致。」復出再上紅館，關淑怡好坦白：「都係為咗個仔，你都知我幾錫佢㗎啦！」至於同邊間公司合作，Shirley就話︰「我要尊重（唱片公司）吓，就算簽咗未公布我都唔講得，我咁多年都係咁。」至於終於肯去整番副爛牙，Shirley則玩性格︰「唓！就算整靚得番，都會寫我其他嘢㗎啦，慣晒！」而Shirley經理人王敏慧亦承認：「係同紅館申請咗，唔想嘥咗一位咁好嘅歌手。」

12歲兒子激似周文健
關淑怡兒子嘅生父，多年來都係一個謎，但版本就多籮籮，有傳係曾志偉、甚至有傳係喇嘛，不過本刊影到其12歲兒子關浚賢，竟然激似Shirley舊情人周文健，但面形同皮膚就十足阿媽。當日因為Shirley要出去扮靚，阿仔就由工人接放學，見佢好黐身，同工人感情好好添！

1件衫着5年
熱愛時裝嘅Shirley，最鍾意周圍搵靚衫，每次出現都要令人嘩嘩聲，甚少失手嘅佢，前週出席now芒果台音樂會，竟然着番5年前，為Juno音樂會擔任嘉賓時嘅舊衫，不過講真，又唔out喎！ ####


為咗變靚復出，Shirley終於肯面對現實，去銅鑼灣禮頓道睇牙醫。


有鬼撩做咗單身母親多年嘅Shirley，多年來感情都未有着落，歎緊咖啡突然有位外籍人士上前搭訕，Shirley仲拎部iPhone分享相片，一路睇一路笑添！


有公德


趕住搭船出去見牙醫，跑到去碼頭先發覺手上仲有支煙，Shirley都堅持跑番轉頭掉去垃圾桶，做個有公德心嘅煙民。


Shirley同Juno相識多年，偶像復出，Juno當然出錢又出力，不過，最近嘅合唱歌將會收錄Juno新碟，當係回報囉！《忽然1周》圖片


Shirley多年來都住愉景灣，更一直跟母親和兒子居住，每月生活費支出起碼5、6萬，問到Shirley經濟問題，佢就激動咁話︰「你check吓我層樓都知我冇問題。」不過本刊查過Shirley愉景灣住址，並唔係佢名下！


07年簽約星娛樂，有傳她性情飄忽，最終反面收場，希望今次同Juno唔會啦！


Shirley兒子讀緊國際學校6年級，出奇地同跟她傳過緋聞的男星周文健有7成似。


6歲手抱 Shirley湊仔唔假手於人，不過要出山賺錢，阿仔明白嘅。《忽然1周》圖片


由所讀的國際學校行返屋企要半粒鐘，關淑怡成日唔喺屋企，阿仔同傭人關係卻更親密。


07年《蘋果日報》圖片


12年

arrow
arrow
    全站熱搜

    litalife 發表在 痞客邦 留言(0) 人氣()

    E-mail轉寄