close
同你吟一吟
吳君如飯前速買
周星馳部《西遊•降魔篇》狂收，內地票房日日六、七千萬，情人節仲誇，收過億，破晒單日票房紀錄。星爺舊拍檔吳君如亦有賀歲片上，頭輪黃百鳴《百星酒店》，二輪緊接王晶嘅《笑功震武林》。
周勢頭無得比，但王晶話齋：「我有好多嘢佢（周星馳）冇！」所指嘅係家庭，吳君如都係。有家庭有個女，唯一係未有正式陳太名份。冇婚書保障，但都有正常家庭生活。
難得陳可辛喺香港，帶個女去數碼港睇番場戲，跟住揸車落灣仔食晚飯，一樣 happy。陳可辛先去攞位，吳君如就趁飯前喺附近嚟個速買，入時裝店打個轉，話咁快買到嘢俾錢。
陳可辛去攞位，君如帶埋囡囡同工人喺附近睇衫，仲有收穫添。
坐低食飯，是知都係黐陳可辛坐。
喺數碼港睇完戲再去停車場攞車，囡囡陳是知，全程拖老豆。
上星期六（十六日），吳君如同陳嘉桓等一齊上咗王晶觀塘公司，為新片《笑功震武林》做宣傳，仲醒咗封「股市勁彈」俾王老闆。
全站熱搜
留言列表
