在茶餐廳食咗 20分鐘，黑面 Edison叫埋女友一齊走，連 Ann都木無表情。
探熱針
食茶餐送泥膠 陳冠希平歎新女
登堂入室
陳冠希陪女友 Ann返台灣，在桃園機場躁爆發爛鬧記者後，又跟女友黐住飛返香港過情人節， Ann更可進駐淺水灣住所，登堂入室。
上週四情人節下午三點半左右， Edison棄用司機自己揸車，由淺水灣出發，用七人 van送女友到銅鑼灣謝斐道，在雙黃線違例停車， Ann極速落車走入一間商鋪取走文件，再跳返上車離去，去到灣仔 188商場門口停低，二人在車上商量約十分鐘，再開車向跑馬地方向駛去。
溝女有一手的 Edison，決定帶女友到跑馬地「大少爺」食平民茶餐，一個餐一百蚊有找。發現記者後，無癮的他在茶餐廳逗留二十分鐘即黑面鬆人，直返淺水灣屋企繼續二人世界，再無外出。
做慣少爺的 Edison終於肯紆尊降貴，揸車做司機，情人節當日送女友周圍去。
Edison揸車送 Ann到銅鑼灣攞文件，當日唔算凍， Ann著紅色 legging大晒 42吋長腿，索。
發現記者後， Edison帶女友直飛淺水灣寓所，二人晚上留屋企玩煮飯仔沒有外出。
據為己有
有指在外國讀書的 Ann對男友過去不太清楚亦不在乎，曾在台灣 Juice做售貨員的她，去年中跟 Edison一撻即着，被火速私有化。擁有長腿巨咪的 Ann，更成為 Clot御用模特兒， Edison又不時親自操刀，影相放在 Instagram公諸同好。
「 Edison覺得 Ann唔同一般女仔，送 Cartier手錶俾佢唔要，反而睇中一隻幾百蚊 嘅膠錶，比起佢以前啲女友，個個要收名牌，的確比較特別，所以 Edison好冧佢，對佢零舍認真。」陳冠希身邊人說。
2月 8日，未飛台灣前， Ann跟 Edison在大坑跟朋友食日本咖喱，其間二人外出「打邊爐」，原來 Ann跟男友同屬煙民。
Ann送的情人咭。
Edison送的情人節版泥膠禮物。
這件桃紅 Tee由潮牌 SSUR與 CLOT crossover推出， Ann做御用模特兒示範幫男友谷宣傳。
去年，雄心勃勃的 Edison又夥拍設計師 Joanna Ho及老友徐濠縈在尖沙咀搞時裝店擴大版圖。
Edison去年原來有新戲在美國上演，不過冇乜宣傳，上咗亦冇人知。
開拓時裝王國，一一年， Edison跟迪士尼合作，在上海店鋪開幕禮當日，他即場在米奇公仔上簽名。
平民化
08年淫照事件後，在娛樂圈再難翻身的 Edison，唯有集中火力建立個人時裝王國，衝出香港，先後在台灣、上海開店。年過三張， Edison唔再大花筒，生活趨向平民化。
唔住四季
出事後的幾年，每次返香港都長住四季酒店，直至去年，改為月租約七萬多的千呎淺水灣住宅。
名牌不再
以往一腳踏幾船的 Edison，不時贈送卡地亞、 Chanel等名牌手袋手錶飾物給眾女友，但對新歡 Ann第一個情人節，只送紅玫瑰肥皂、特別版泥膠，唔再手鬆。
女友降呢
全盛時期， Edison的女友九成是一線女星，今時不同往日，口味已變的他先收埋玩愈執愈怪的𡃁模 Cammi，再撻着售貨員 Ann。 
留言列表
