close
社交圈
春劫
每年初三的新年賽馬，富豪、馬主都會入馬場發新年財，遇見熟人同記者都會派利是，但亦同時吸引四方八面的馬迷搏大霧做伸手黨，打劫佢哋嘅荷包。
何傲兒唔准搏懵
馬迷但求就手，見有明星就影合照。
$20
無綫姐仔何傲兒同家姐何傲芝（圓圖）好識做，雖未結婚，但見到傳媒都主動派開工利是，隨即引來騷動，有師奶馬迷更扮記者拎埋一份，點知被何傲兒識破話：「我派俾記者咋。」但新正頭為免有失和氣，她派了幾封後才停手唔派
鄧鉅明夫婦淹沒人海
$100
Just Gold有份贊助初三跑馬，老闆之一的太子鐘錶鄧鉅明（右圖）與太太自然要現身。當日他們一派利是即時變成螞蟻摟蜜糖，要由馬會職員帶他們離開，難得事後鄧太（右一）鎮定話：「我無被嚇親。」
為免派錯利是，鄧太事先用橡筋一疊疊紮好，仲明碼實價，一目了然。
馬德鐘太太袋袋平安
$100
馬德鐘太太張筱蘭週日同老公出席仁愛堂盃，馬德鐘話老夫老妻沒送情人節禮物，但查實當日馬太的五萬多元 Hermes Kelly手袋就是禮物，呢招雞髀打人牙骹軟發揮功效，自斷桃花劫外，又得太太好冧話：「我成個人都送俾佢。」
劉皇發有求必應
$100
鄉議局主席劉皇發初二求到下籤，但派利是時無礙他受歡迎程度，一入場就被圍，當正他是財神。見慣大場面的發叔唔怕伸手黨，但本來緊貼阿爸的時裝設計師劉玉蓮（紅衫），見到此情此景嚇到面青。
汪明荃冇帶利是
入馬場做嘉賓的汪明荃，拎住個小手袋出現，眾人以為她會派開工利是，卻原來諗多咗，阿姐原來唔記得帶。為免自己樣衰，阿姐要同場的黎耀祥及麥玲玲都不准派利是，認真霸道。 
全站熱搜
留言列表
