close



FACEweekly

大細路　李克勤

2012年10月24日 ~~ 第283期 Face

細細個聽〈紅日〉聽到大，不時又會唱足球比賽主題曲， 44歲的李克勤已被標籤為一位正氣歌手，除了是一位超級曼聯粉絲，現實中的李克勤更是一位好爸爸。上月推出大碟《在森林和原野》，更是首次以大人兒歌集方式推出，大人曲風、兒歌歌詞，係人都明講乜，學克勤話齋，求開心啫，大細路好識諗。

為甚麼有大人兒歌集構思？


一直好想將兒歌簡單直接的歌詞放在大人曲上，一聽就知帶出甚麼訊息， 10首歌歌名如〈姐姐〉就是講外籍傭工，我們先參考他們喜愛的偶像，如美國歌后 Mariah Carey的 slow ballad唱法，再作「天天等仔女放學　盡責顧家」的歌詞，一聽就有共鳴。

第一主打《活着為求甚麼》， 4字頭的克勤，最想求甚麼？


好多人都會覺得有好多錢、環遊世界會好開心，但近年我覺得送囝囝返學、星期日同屋企人飲茶、又或者聽日唔使開工可以瞓晏啲，簡簡單單已經好開心。最近有很多唔開心的新聞，最好唔好再出現。

積極樂觀的你，怎樣應付逆境的時候？




我好阿 Q精神，唔會鑽牛角尖，'97覺得自己唱片做得冇咁順利，於是就試吓做多一點幕前如講波工作，出來結果又做得幾開心，於是就一直做落去，最近講波就是今年 6月去烏克蘭講歐洲國家盃。 

怎樣鍛煉樂天的性格？


有人話人比人比死人，但我就成日將別人與自己比較，咁樣會開心、正面。成日睇新聞會見到某某國家人民生活貧苦，當自己能量負面時，想想還有很多人比自己更慘，就會覺得自己能活在當下已是幸福事。不過最緊要每晚有覺好瞓，因為瞓醒又係一條好漢嘛！

身為足球粉絲，今個球季最鍾意哪隊球隊呢？




唔係因為件波衫靚、定係邊個球星在隊中，有些事喜歡就是喜歡。無論怎樣都很喜歡曼聯，不過最希望佢哋先改善後防失波情況先啦，哈哈。 

撰文：陳家豪

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄