‘ 12落寞怨婦 Ponny
要照顧中過風的年老母親，冇老公一齊分擔，殘爆 Ponny等睇醫生時愁眉苦臉，唧都唔笑。
真面目
人財兩失 驚聞超雲結婚 陳山聰前妻老咗 10年
有傳 36歲陳山聰 8月歐遊時向 23歲何超雲求婚成功，兩人瞞住三太，即興去巴黎影婚照，實行先斬後奏。
何家千金答應做陳太，入豪門在望的陳山聰完全唔使做，全天候 mark實超雲，陪旅行陪出騷。條命生得好，相反山聰的 48歲前妻 Ponny（楊渡萍）則坎坷得多，自傳出雲聰戀後，幾乎人間蒸發。日前，本刊發現 Ponny與母親睇中醫時，面容憔悴雙眼無神，比以往金毛潮 look差極遠。臨老先俾仔撇，唔殘就奇啦！
自從陳山聰上年成功將超雲追到手，幫 TVB拍完最後一套劇《天梯》就冇再開工，日日陪賭王千金遊埠歎世界，生活優悠發福唔少，更升呢進駐陽明山莊，有司機車出車入。
48歲樹根頸
48歲 Ponny雙眼滿布紅筋，頸紋出晒嚟，一睇就知 dry到爆！
木無表情的 Ponny，不停 㩒電話做低頭族，唔願同人傾偈。
‘ 10潮爆人妻
搭上超雲前，陳山聰收入唔多，同 Ponny行街買嘢都係由女方找數。《蘋果日報》圖片
以前一頭金毛勁潮，現時 Ponny連微博 profile pic都換埋，最近仲寫咗句「開心，就是這麼簡單！」擺明「潤」富貴山聰。
面鬆雙下巴
拍《天梯》期間，陳山聰刻意同高海寧保持距離，免得超雲呷醋。《蘋果日報》圖片
好食好住，近日有傳山聰等唔切，拍拖 1年即向傳有 5億身家的超雲求婚，希望盡快箍實金蛋，而超雲上週五（ 19日）出席活動時，亦親口證實有計劃結婚，「大家傳得咁勁，今晚返去諗！」
陳山聰即將入門做賭王女婿，但其前妻 Ponny則冇咁風光。上週二（ 16日）， Ponny與曾經中風的年邁母親去尖沙咀睇中醫，做過時裝設計師的 Ponny，當日身穿黑 tee加綠色軍褲，打扮隨意，雖剪了個齊蔭短髮 look，希望睇落後生啲，不過其鬆弛面部面頰凹陷、雙眼無神又雙下巴，樹根頸現形，殘樣老咗 10年；與以往金毛頭窩釘鞋造型相比，潮味冇晒！
心事重重
潮女變師奶， Ponny等見醫生期間亦顯得心事重重，全程低頭玩電話，甚少與身旁的母親交談，更不時扁嘴沉思零笑容。
據知與陳山聰離婚後， Ponny性格變得孤僻，最多只會上微博同好友伍詠薇、陳敏之等人傾兩句。「 Ponny同山聰分開 咗之後，搬返去葵涌公屋同媽咪住，已經好少出 嚟蒲。我哋成日叫佢一齊食飯，但佢唔係話唔舒服就話唔得閒，好似唔願出 嚟見人咁！」知情人士透露。
冇工作又要照顧年老媽媽，好心山聰照顧吓前妻啦！
超雲上週五（ 19日）出席 Balmain活動，向傳媒表示「婚一定會結！」山聰聽到一定安樂晒！
兩人經常將拍拖肉麻相放上微博，網友都話頂佢哋唔順！
拍拖冇耐，超雲已帶山聰返屋企見賭王，超蓮亦相當滿意未來姐夫，月頭更幫佢慶祝生日。
前妻冇運行
男人有錢就身痕，何況有錢有面的明星同富二代，更加冇本心。遇着老公唔生性有第三者，隨時人財兩失！
單親媽媽
《壹週刊》圖片
同樊少皇 96年結婚的陳少霞，幫老公生 咗一對分別 10歲同 15歲的仔女，諗住樊少皇有妻有女會生性，努力北上拍劇賺人仔，點知今年 3月同 JJ撻着，有傳樊恐嚇前妻收口，更聲稱會娶 JJ，擺明拋妻棄子！
周身病痛
永安太子郭永淳 07年暗交餅碎楊愛瑾後， 09年 3月與伍智恆離婚。伍患有嚴重腸胃病，曾試過暈倒街頭，法庭下令郭每月須畀 4.2萬贍養費，並一筆過分 150萬給伍，但郭上訴至終院，案件仍在審理中。
賤妮硬撬
《忽然 1周》圖片
06年拍《學警出更》同郭羨妮撻着的陶大宇，當年不惜同妻子黃慧寶離婚，但不倫戀唔夠 1年玩完，陶大宇形象破產，事業插水。陶曾經試過翻撻前妻，但阿寶諗清楚後拒絕回收賤男，再見不是朋友。 
留言列表
