close
身形 fit爆 嘅香香，最近加咗價，所以出動護膚品活動即刻用事業線交功課，勁識做。
FBI
岑麗香加價事業線
《巴不得媽媽》播完，人氣繼續高企嘅岑麗香，最近仲傳出佢拍緊嘅《衝上雲霄 2》會加佢戲分，上一線在望。香香人氣勁，所以最近大小活動都有佢份，趁住死敵苟芸慧身形翻脹，香香公主出席護膚品活動時着住 Herve Leger貼身低胸裙，引死一班龍友。
FBI聽聞香香爆紅前嘅出騷價只係 1、 2萬，但最近已急跳到 5萬，同苟姑娘平起平坐，香香最近賺唔少，仲自爆已經有 6位數存款，唔怪得話希望有能力 喺將軍澳買層 4百萬嘅樓啦！
無綫行政主席梁乃鵬博士上星期宴請《巴不得媽媽》台前幕後食飯，慶祝收視報捷。黃智雯係監製潘嘉德愛將，見到佢同香香咁好傾，黃智雯即刻上前握手，但點解有少少黑面 嘅？
有傳香香今年會拎「飛躍」，見到男配角大熱古明華，即排排企俾 FBI同班行家圍住影足 10分鐘，至紅係佢哋。
全站熱搜
留言列表
