close
FBI
王菲變 H&M潮模？
樂壇天后王菲，雖然已經 43歲踏入中女之年，仲生咗兩個囡囡，但身形一直 keep得好 fit，而且仲好追貼潮流，大把名牌爭住贊助靚衫佢着。
最近 FBI喺網上發現，疑似王菲幫瑞典連鎖時裝店 H&M同名牌 Maison Martin Margiela（ MMM）聯乘系列嘅廣告相， FBI睇到張相之後即刻「 O」嘴，事關名牌要請得郁天后動身，分分鐘用咗天文數字酬勞。 FBI好奇，即刻打電話去 H&M求證，證實張相原來係假嘅， H&M公關部經理 Cher就話：「冇呢件事，我相信係有人將相片合成，我哋 𠵱家正了解緊件事。」
而 FBI仲聽聞阿菲嘅經理人陳家瑛亦好緊張呢件事，仲話誓要搵出上載張相上網嘅真兇，考慮採取法律行動咁話。
王菲扮皇妃
乜嘢前衞形象都試過，玩到冇嘢好玩，阿菲最近就玩時空穿梭，着上古裝扮皇妃，仲套上長指甲。網上圖片
王菲攞張舊相然後用特技效果，將自己個頭 key上去扮古裝照，仲放上微博等人玩眾裏尋她。網上圖片
全站熱搜
留言列表
