10月頭單飛推出個人 EP《 Talk About S.》嘅 Gain，為谷新碟以半祼姿態，露出白滑背脊影床照，雖然冇事業線睇，但勝在意識大膽。
韓面
GAIN床戰 19禁
韓國 4人女子組合 Brown Eyed Girls（ B.E.G.），唔經唔覺已出道 6年， 4位 1體又唱又跳大家睇慣睇熟，為畀 fans新鮮感，今月頭隊中年紀最細、現年 25歲的成員 Gain（孫佳人），終於單飛出碟《 Talk About S.》獨自搵食。
難得 solo， Gain於第 1擊〈 Bloom〉 MV中實行搏到盡，唔只挺胸趷籮跳勁舞，最激係同男 dancer上演火辣床戲，大膽到令粉絲 O晒嘴，唔怪得要被列為「 19禁」兒童不宜啦！
Brown Eyed Girls 4個女隊員中以 25歲嘅 Gain最後生最索，其餘成員已年過 30歲，但跳起舞嚟一樣咁勁，而且仲好性感。
由 4位唱得跳得韓妹組成的 B.E.G.，眨吓眼成立 6年，今年起隊中成員開始各自搵食，年頭先有 rapper Miryo單飛推出 EP《 MIRYO aka JOHONEY》，去到 10月終於輪到最後生兼最索成員 Gain，以個人名義推出全新 EP《 Talk About S.》搶食。
死都唔肯剪
碟中主打歌〈 Bloom〉 MV，早於 10月頭出街。〈 Bloom〉其實係比喻墮入愛河嘅女性好似盛開嘅花朵咁燦爛，歌名聽落好優雅，但 MV中 Gain唔只挺胸趷籮，更不時自摸跳 dirty dance，而 MV高潮就係 Gain同赤裸男 dancer在床上翻滾兼激吻，畫面震撼。
由於該 MV的情慾場面太大膽，現已被韓國官方列為「 19禁」（即 19歲以下人士禁止觀看），搞到電視台唔敢播歌，但 Gain以個人名義所簽的 Leon經理人公司實行玩對抗，堅決一格菲林都唔剪不特止，仲企硬話：「 𠵱家音樂市場上，好多都描述有關愛情嘅誘惑，〈 Bloom〉只想表現成熟女性情感，有咩唔妥？」
挺胸趷籮
新歌〈 Bloom〉 MV中，着住斗零高踭鞋嘅 Gain企上凳上挺胸趷籮大跳勁舞，挑戰難度。
男模壓咪
MV中段，瞓喺床上嘅 Gain，任由祼男壓喺身上狂吻，大膽程度令人咋舌。
掟地拖行運
經理人公司有立場， Gain本身亦好有性格，最近有韓國傳媒爆料，話 Gain未加入 B.E.G.前曾參加過選新秀的綜藝節目《 Battle神話》，當時因該比賽想揀大眼妹入圍，特徵係矇豬眼的 Gain，未過第 1 round已被淘汰，據知當時個性率直的 Gain因唔忿氣，一個人跑入廁所，一路喊一路掟地拖出氣，此時咁啱有經理人公司高層見到，覺得 Gain好特別，於是邀請佢試鏡，之後就成為 Brown Eyed Girls第 4個成員。 K-pop界發爛渣一樣有運行，香港樂壇要搵人掟吓嘢啦！
高潮「 O」嘴
首歌以盛放花朵比喻為熱戀中嘅女人，睇 Gain合上眼「 O」晒嘴嘅表情就知佢好享受。
Gain 2年前曾於韓國綜藝節目《我們結婚了》，同 2AM隊長趙權扮夫妻，因兩人都唔係標準靚仔靚女，但一樣係潮人，所以勁合襯，不過現實生活中二人就唔係一對。
2招做潮女
醒畫眼線
擁有 33C上圍兼 23吋黃蜂腰嘅 Gain，咁好身材，韓國內衣名牌《 Yes’》一早已搵佢做代言人 sell bra。
1. Gain出名眼細，但唔緊要，最重要係識化眼妝，一定要深色眼線筆順住眼形畫出眼線，然後再喺眼尾畫一個尖向上戚，最後再在眼線外，以深色眼影化出 smoky eye效果，雙眼即時醒神晒。
熱褲搽膏
2.雖然 Gain只得 5呎 2吋半，但識着熱褲，然後於腿上塗上光澤潤膚膏，加多對 high heel，令佢睇落去腳長又高䠷。 
留言列表
