FACE weekly
一切從地牢開始 羅力威
'09參加亞視《亞洲星光大道》，由頭贏到落尾；'10憑自作曲目〈現實不重要〉，以新人及在未出碟情況下入圍「叱 咜樂壇流行榜頒獎典禮」我最喜愛男歌手五強和我最喜愛的歌曲五強。
今年頭終於完結亞視合約，被英皇睇中簽做歌手，上星期日更完成加場首個唱，仲有古巨基做嘉賓，認真「力威」。原來一切一切，還要多得當年在亞視工作的地牢，成就了今天的羅力威。
冠希鬥文樂
26歲，全部歌自己作晒，聲音似曹格又周杰倫，鋼琴達八級程度，首張大碟直接定名《羅力威》，以為極度肯定自己，卻又好謙卑，似足真人樣子乖乖，「唔敢胡亂叫自己做實力派，就讓聽歌的作主好吧。」有這樣實力，完全是天生愛好音樂有關，「由細聽到大都是廣東流行曲，中二過新西蘭到高中畢業，放假有時間就去碟鋪租四大頒獎典禮睇。」最愛四大天王，仲好有研究，「當年所有廣東曲風好受玉置浩二的日本歌影響。」不過最深刻係當年陳冠希與余文樂之爭，「兩個唔淨只係音樂，更加係潮流之爭。」
常被拍到同歌手羽翹拍拖，正面問佢係咪拍拖，佢話唔係，不過講吓講吓又會默認冇反駁，其實羅力威都幾 cute。
上星期日完成首個一連 5場個唱，星期三更有古巨基撐場，合唱了羅力威〈獨男〉一曲，基仔更讚佢唱多兩年就可以去紅館唱。
愛吃假宅男
放在電話內的《漂流教室》，不是新鮮漫畫，羅力威話有時間先睇，家中連一部 PS3都冇，返到屋企有時間，除了作曲，有時間就來 night running，完全唔似外間說他是宅男！
講到潮，羅力威話完全唔曉，「外形上我好被動，一切交由公司負責，自己最主動就係收埋自己作曲。」當化妝埋位拎住部電話睇《漂流教室》第 6卷，住在土瓜灣屋企又立立亂，你我都愛冠他一個宅男之名，羅力威的解釋是：「以前舊公司只係得《亞洲小姐》等大型節目先有得唱，家吓多了宣傳、拍攝，可能兩星期先有一日假期，朋友就以為我匿埋喺屋企做宅男，查實忙到癲。」有付出一定看得見，上星期五訪問後即要趕回九展繼續個唱至星期日，唱後願望好簡單，「上星期試過唱唱吓好肚餓，一落台換衫同事就質我食蕉！」訪問間不停吃公司小賣部魚蛋，訪問後又即刻問同事去邊食嘢，記住咪食辣，養好把聲呀！
地牢是伯樂
撰文：陳家豪
攝影：黎韋邦
化妝： Cyrus Lee@Beauty Tech
髮型： Jack Hung@Chin G
服裝： Kitterick
留言列表
