錫出櫃
出基味濃寫真 張敬軒姣錫男人
一向深得基民寵愛 嘅張敬軒，雖然冇 A&F班鬼模有 8朱古力腹肌，但勤操之下，原本瘦奀奀嘅軒仔都變咗鋼條身形，年尾更會推出寫真集，變身肌男。軒仔唔只身材大解放，最近仲開屏，週日出席音樂人嚴勵行（ Johnny）的生日會，唔只主動攬實主人家唱生日歌，更情不自禁獻吻，之後更 喺微博補句 Love U。嘩！斌女睇到肯定嬲爆！
31歲張敬軒最近忙為舞台劇《我和秋天有個約會》開工，而密友關智斌又成日北上拍劇賺人仔。二人相聚時間少之又少，軒仔冇王管，除 咗開工外，就 喺屋企密密操肌。年底更會推出寫真散文集，搵攝影師 Patt Sham影半裸靚相，早前更上載了一張出浴照，似足基片導演雲翔電影劇照。
High爆隊酒
大隻 咗 嘅軒仔唔只身材大解放，連人都開放埋。週日（ 5日）做完舞台劇 嘅軒仔，急不及待出席唱片監製嚴勵行生日會，當晚出席 嘅除 咗有軒仔，仲有曾跟軒仔傳緋聞的許廷鏗及合和董事總經理胡文新等一班猛男。
據了解，當晚穿上粉紅姣 T的軒仔仲 high過壽星仔，周圍搵人隊酒，更主動捉住嚴勵行為佢唱生日歌，興之所至突然錫嚴勵行一啖，令全場嘩然！事後嚴勵行喺 facebook公開呢段生日歌片段，軒仔更嫌唱生日歌唔夠誠意，喺微博補句「 Love You」畀嚴勵行。
軒仔對住嚴勵行又攬又錫，不過軒仔經理人 Bella就講：「佢哋兩個真係好 friend，個 party係軒仔夾埋嚴勵行女友一齊搞（軒仔錫佢喎！），軒仔想嚇到佢盡啫！」
嚴勵行人面甚廣，週日剛舉行的生日會除有軒仔外，鄭融、胡文新、許廷鏗、 Joey Tang及另一唱片監製舒文都有份出席。
微博示愛
嚴勵行同軒仔合作無間，軒仔多首作品及音樂會，都係由嚴勵行一手包辦，唔怪得軒仔錫到佢 燶， 喺微博寫埋 Love You！
半裸晒肌
軒仔年尾會推出寫真散文集，書內照片由攝影師 Patt Sham操刀，封面照更是軒仔的出浴照，意識大膽！
與斌女情淡
據知自從上年關智斌開始北上搵人仔，二人濃情轉淡，軒仔搬離跟斌女寓所接近的西貢舊居後，軒仔便開始寂寞難耐，四圍跟男性密友聯誼。繼早前跟許廷鏗傳過緋聞，上月更被本刊拍得他深宵於中環，在日本餐廳攬實《秋天》的部分男演員，而且目光呆滯。睇嚟斌女拍完大陸劇《追魚傳奇》要快啲返香港軒仔喇！
斌女唔喺身邊，軒仔冇王管不時夜蒲，上月就被本刊拍得 喺中環，同一眾《秋天》舞台劇演員夜蒲慶功，更見仔就攬。
軒仔 孭飛 嘅舞台劇《我和秋天有個約會》上映中，軒仔更會着住條平腳底褲 喺台上做戲，唔怪得之要操 fit啦！
斌女（左一）北上拍劇密密賺，令佢同軒仔（右二）聚少離多。今年 3月軒仔同斌女出街食飯撐枱腳，便巧遇側田等朋友，即刻影相上載 facebook。
星級監製
嚴勵行（ Johnny）除 咗幫軒仔之外，亦有幫唔少星煥歌手監製唱片，就連無 綫 嘅小生花旦，陳法拉、林峯和鍾嘉欣出碟亦搵佢幫手編曲、作曲。而且同一眾前輩級歌手阿倫、杜麗莎亦有合作， 喺音樂界絕對吃得開。據知 Johnny有一位穩定女朋友，絕對唔係基男。
嚴勵行為星煥高層何哲圖愛將，經常安排旗下歌手跟 Johnny合作，鍾嘉欣首〈 I’ll Be Waiting For You〉和〈愛得起〉亦係佢做編曲、監製。
啱 啱出碟 嘅陳法拉，碟內三首歌〈一半〉、〈贖罪〉和〈奮不顧身〉都由嚴勵行編曲、監製。
留言列表
