劉翔：我一定要振作起來！我是不會輕易言敗的，這就是我的性格。（路透社圖片）
講奧辦
奧運 last week等睇破紀錄
劉翔新競敵 A米列特
古巴 嘅羅布斯 喺 08年創出 12秒 87世界紀錄後，一直都未拎過大賽冠軍，但今次佢都信心十足，更話「已 95%進入狀態」。（ GETTY IMAGES圖片）
好多人都以為倫奧 110米欄王寶座都係劉翔同世界紀錄保持者古巴 嘅羅布斯之爭，其實今次戰情非常複雜，事關美國新星 A米列特就曾經跑出今年最好成績 12秒 93，而且更 喺室內世錦賽 60米欄力壓劉翔，連教練孫海平都話佢「或成主要對手」，可見相當厲害，同場仲有現今世界排名第一美國 嘅李察遜。不過，由於個個都咁犀利，就有機會將羅布斯保持 咗 4年 嘅 12秒 87紀錄打破，劉翔 6月時就曾 喺超風速情況下平 咗呢個世界紀錄，倫奧再創佳績絕對有機。
項目：男子 110米欄
香港日期： 8月 9日
香港時間： 02:15am（準決賽）、 04:15am（決賽）
刺激度：★★★★★（ 5粒★滿分）
非洲長氣袋 馬古破紀錄
賽前預測話呢面馬拉松金牌已經係馬古 嘅囊中物，反而大家都係估佢可唔可以打破自己保持 嘅世界紀錄。（路透社圖片）
為 咗紀念馬拉松對奧運會 嘅意義，所以自 04年雅典奧運開始，男子馬拉松就成為最後一個比賽項目之餘，更係唯一 喺閉幕禮上進行頒獎 嘅項目，並將當時 嘅最好成績，改稱世界紀錄。而 喺 11年創造 2小時 3分 38秒世界紀錄 嘅肯雅長氣袋馬古，今年更有機會一次過奪金兼破紀錄。事關 喺去年柏林馬拉松上，佢 喺開賽 嘅後半段，已成功放甩舊紀錄保持者埃塞俄比亞 嘅基比拉沙。之後佢一路 keep住最 fit狀態，更話有信心 喺倫奧 42.195公里 嘅賽程上創新紀錄。 
作為觀眾，其實都想埃塞俄比亞 嘅基比拉沙有好表現，可以同馬古由頭鬥到尾，咁就好睇喇！（美聯社圖片）
項目：男子馬拉松
香港日期： 8月 12日
香港時間： 06:00pm
刺激度：★★★
地上最強 4× 100米
有保特坐鎮 嘅「地上最強」牙買加接力隊， 11年 喺韓國大邱世錦賽創下 37秒 04嘅新世界紀錄，唔知今次有冇可能再推入 37秒內？（美聯社圖片）
剛剛睇完保特 喺 100米跑奪金兼破奧運紀錄，話咁快又可以睇到牙買加「閃電俠」再登場！今次佢更聯同前世界紀錄保持者鮑維、 11年世錦賽冠軍禾漢比歷克同卡特，一齊代表牙買加參加男子 4× 100米接力賽。 喺上年世錦賽，佢 哋 喺鮑維受傷缺陣下，都成功刷新世界紀錄至 37秒 04，今次鮑維落場，要再創新紀錄絕對唔難，難怪外國媒體都公認牙買加接力隊係「地上最強」！同時亦唔好忽略保特 喺 200米單項上，亦好有信心創下 19秒內 嘅世界紀錄啊！ 
除 咗 4× 100米同個人 100米，保特話自己主項其實係 200米跑，更「希望能成為第一位跑進 19秒的人類。」（美聯社圖片）
項目：男子 200米跑
香港日期： 8月 9日（準決賽）、 8月 10日（決賽）
香港時間： 03:10am（準決賽）、 03:55am（決賽）
刺激度：★★★★
女子接力勢均力敵
倫奧女子 4× 100米接力，主要都係睇積達（左三），可唔可以出番個人 100米只輸 0.03秒畀費莎嗰口氣喇！（美聯社圖片）
女子 4× 100米接力方面，牙買加接力隊有啱啱拎咗個人 100米金、銅牌嘅費莎同甘普爾在陣，實力不容置疑。不過另一邊美國隊亦狀態大勇，既有個人 100米銀牌得主積達，而且更 喺 4月費城賽跑 4× 100米接力，跑出今年最快 嘅 42秒 19，所以奪金同破紀錄機會一樣咁高！
項目：女子 4× 100米接力賽
香港日期： 8月 10日（第一輪）、 8月 11日（決賽）
香港時間： 03:20am（第一輪）、 03:40am（決賽）
刺激度：★★★★★ 
留言列表
