撐 Shine場試水溫 Wyman打造
10年前同期出道又份屬同一唱片公司， Shine同 Cookies嘅首本名曲都係出自 Wyman（黃偉文）手筆， Angela話如果有機會都想搵 Wyman再幫手作重組歌。
老餅復合
Cookies 10周年騷 Stephy：留定期重組！
潮流興懷舊，連唔算好舊 嘅 Shine都重組，開騷出碟叫好又叫座。與 Shine同期出道，咁 啱又係十周年 嘅餅女 Cookies都認心郁郁，撐完 Shine場做嘉賓更加挑起條癮，據知九餅女十周年紀念個唱正式啟動中。
人生有幾多個十年，死對頭鄧麗欣同傅穎都齊心話要夾檔期成事，惟獨心直口快區文詩（ Angela）話：「我 哋個 group chat冇 Theresa（傅穎）喎！」女人心病，十年都未必醫得番！
週五(3日)，一連三場《 Shine Again演唱會》在九龍灣國際展貿中心開鑼。單飛五年的天佑、又南再次歸位合體固然人人叫好，同期同公司出道女子組合 Cookies當晚做嘉賓唱〈心急人上〉亦成熱話。據悉，主辦商同各位餅女都視今次表演為試水溫，密謀年尾重組舉行十周年紀念音樂會。
九缺二唱上癮
group chat冇 Theresa喎！（真實對白）
03年九餅變四餅， 04年四餅拆埋夥，事隔 9年餅女九缺二在 Shine演唱會上再唱〈心急人上〉， Stephy同 Kary都話撩起條癮有意重組。
Serena生仔唔唱
Cookies九缺二， Serena去年初結婚，現時身懷龍兒，正在加拿大安胎中， Stephy都話重組齊人難：「如果今年尾搞十周年紀念， Serena一定 嚟唔到，所以點都唔會齊人。」
Theresa台灣拍劇
Serena大住肚冇情講，另外一位缺席 嘅 Theresa就身在台灣趕拍偶像劇《七個朋友》：「希望十周年紀念唔好錯過。」
年尾成事？
Stephy微博撐
十年前 Cookies已經係賣大堆頭唔多考究唱功，十年後臨時拉伕唱成名作〈心急人上〉，就頻頻甩嘴甩舞。
02年出道 嘅 Cookies基本成員一共九位， 03年剩番四女，不過當晚出席 Shine演唱會就只湊夠七件。除嫁去加拿大佗緊 B嘅 Serena（蒲茜兒）無暇現身，多年來一直同隊長 Stephy（鄧麗欣）鬧不和 嘅 Theresa亦唔見影。傅穎週一（ 6日）對本刊說：「過 咗咁耐，我 哋都咁大個女，點會重擺 嗰 啲 嘢（不和）上心？我係一早就度 咗期會有四個月留 喺台灣拍劇（中視偶像劇《七個朋友》，女一是任容萱、傅穎是女二），真係走唔開。自己都覺得今次錯過 咗好可惜，我都好想搞得成十周年，唔會再 miss多一次！」
死對頭 Stephy一樣為十周年泯恩仇：「我都好想齊人，但係 Theresa真係要工作吖嘛。嗰晚唱完，大家都好齊心、好有衝動勁想十周年紀念成到事。雖然我哋要忙宣傳，嚟緊啲期都滿晒，但我 哋計劃今年尾或者出年年頭，我都會留定期畀 Cookies！」
唔預傅穎
02年〈心急人上〉年代唔興間尺鼻同假大眼， Cookies四位主要成員與十年後相比極大出入。
至於早排出聲同 Theresa粉絲網上罵戰 嘅 Angela，就直認度期冇搵 Theresa：「 嗰晚唱完 Shine，演唱會主辦商即刻撩我 哋，其實我 哋個個都覺得上完台好似自己開騷一樣，好興奮又唔夠喉，仲即刻開 咗個 group chat一齊度期想搞得成件事。主辦商想 12月搞，但係我 哋有 啲嫁 咗、有 啲讀緊書（ Elaine）要考試、大家都唔同公司， Stephy要拍戲， Kary（吳雨霏）出年 1月又要開個場，體力好難應付，真係執行起上 嚟好多問題要解決。我哋個 group chat係嗰晚有份唱嘅七個人咋嘛，冇 Theresa同 Serena喎，咁多問題要搞，真係搞得成先至同佢度期啦！是非嘅嘢，佢嚟唔嚟到，都一樣大把嘢講啦！」 啱，係唔係都有是非，不過畀 啲誠意早 啲問人，會唔會好 啲呢？
Theresa繼續獨行
餅女齊心轉發合體盛況，惟獨 Theresa人唔到微博亦冇轉發， 8月 4日只上載台灣拍劇造型相。
台灣拍偶像劇
微博騷
開騷後餅女紛紛發微博感慨重聚， Stephy都話唱完唔夠喉，即晚商討十周年重聚大計。
睇錢份上
樂壇組合合久必分，分必有因，無非搵食艱難或者鬧不和。不過相隔十年八年，復合都變吸金賣點。草蜢、 Beyond、軟硬和達明都化干戈為玉帛為錢行埋。有錢唔通唔搵咩？
Shine
07年唱片市道不景，男子組合 Shine宣告解散各自搵食。年初為填詞人 Wyman作品展擔任嘉賓大獲好評，趁勢出碟又開騷。
達明一派
85年成立， 96年開完《萬歲萬歲萬萬歲》後，因為風格及性格不合分開發展，直至 04年再開個唱。相隔八年，達明今年四月合體再踏紅館，反應熱烈 8月 18日加開 part 2。
軟硬天師
葛民輝與林海峰 86年相識， 88年加入商台合組軟硬天師， 90年代後期傳不和分開發展， 06年復合開騷拍廣告，今年十月將與草蜢聯袂開兩場個唱。 
留言列表
