close
莊冬昕錄音室放滿歌手的 CD，裝修絕不古怪。 29歲的他堅持戴黑超和披絲巾，佢話近排愛上阿拉伯文化，所以打扮成阿拉伯人，貫徹古怪性格，但對於前女友鄭融和阿嬌則絕口不提。
搜尋氣
莊冬昕 膠歌係洗腦歌
07年的莊冬昕，還未愛上戴黑超。近年黑超成為佢嘅造型之一，佢話無論做音樂或工作都一定要戴，除非主辦單位要求，否則好少會見到佢真樣。
我 7歲全家移民加拿大，搞到我冇晒朋友。由細到大我都唔鍾意音樂，但好鍾意打拳同功夫，打到可以入國家隊。直至 16歲 嗰年，我出街玩撞親個頭，醫生話唔可以再打拳，當時我真係好 lost，好似乜都冇晒，於是我聽音樂嚟解悶，嗰陣先開始鍾意音樂。
我 嘅生活好簡單，唔鍾意特權。我又唔係明星，好似去餐廳，人哋見到我即刻畀張枱我，呢 啲我最討厭。家幫人作歌、電影配樂同寫廣告歌搵到 嘅錢足夠我過生活，錢多唔代表我會開心，唔可以用物質衡量。
我覺得自己係人格分裂。寫〈食軟雪糕〉同〈怪叔叔跳古怪舞〉都係想開心。呢類型 嘅歌我知道其他歌手唔會唱，就算佢 哋 ok，佢 哋公司都唔會畀，始終歌手有形象，但我就冇所謂。
網上好多人話我係傻仔、白癡仔，成日作埋 啲膠歌，其實膠歌只係一個名詞，我認真咁講就叫呢類做 K啲嘅洗腦歌。負評我唔會嬲，反而覺得好好笑，佢 哋好有創意。我日日追留言㗎，睇吓佢 哋寫乜畀我，我知道有 啲人係對人唔對事，冇睇過 MV就直接畀負評，咁又點 啫？我作得出預 咗啦！每個人有唔同意見，我啲歌都喺度惡搞緊，唔怕被人惡搞番喎。
最新作〈怪叔叔跳古怪舞〉上載兩星期，點擊率近 16萬（至上週五）。怪歌有市場，莊冬昕話 8月會輯錄成 EP出街。
〈食軟雪糕〉是莊冬昕第一首洗腦歌，狂 loop 82次「雪糕雪糕」，點擊率由年初累積至今達百萬，勁過好多 K歌。
全站熱搜
留言列表
