今屆奧運，在一個距離大家十二小時飛機航程的倫敦舉行，大家未必有動力捱眼瞓睇比賽，不過當發現來自世界各地嘅型男索女參賽選手時，相信就算對體育幾冇興趣，都會有興趣睇吓肉！

剛過去的個幾星期，先有體操界代表阮馬素，甫登場即秒殺女粉絲；再有請兩位嫩口跳水選手美亞斯和戴利，示範引人入勝的沖身場面。而嚟緊賽事，男士們則可以喺體操同田徑項目度，搵搵如阿當斯、維姬捷域等索女大飽眼福。

馬素特別為其個人網站拍攝的一輯型仔相，大晒肌肉，冧死粉絲。

德國 體操選手阮馬素Marcel Nguyen

年齡：24歲

身高：5呎5吋半

在社交網站見得最多的一定是馬素這個chok甫士。

洗版之王

「嘩，好靚仔呀！」這句應該不是看運動節目時的意見，不過當你看到擁有越南血統的德國體操運動員馬素後，好難不先以貌取人。自從馬素在奧運體操項目中亮相後，他的照片便被各社交網絡瘋傳，絕對稱得上「洗版之王」！

馬素爸爸是越南人，所以他有個越南姓氏Nguyen，馬素的越南原名還叫阮文明龍，名字好有書卷味，不過他的正職卻是軍人。馬素於四歲開始玩體操，最拿手玩雙槓，○五年晉身國家隊，○八年其實已參加過京奧，不過今年再登場，他已經型咗潮咗又man咗，仲要攞埋全能項目銀牌，正宗操得又睇得，難怪秒殺女粉絲！

今年五月在心口刺上巨型紋身：「Pain is temporary Pride is forever」，靈感來自他一位玩鐵人耐力賽的美國朋友。

在多項體操項目中，馬素展示了其能屈能伸的肌肉，難怪被網民稱他為「屈肌王」！

去年一幅攞獎照，展示了他掌心多年「操」得多的磨損。

馬素身為德國人，當然揸德國出產的寶馬3系跑車。

據聞馬素的女友擁有亞洲血統，兩人在牀上聯誼的照片，令不少粉絲嬲爆！

馬素在德國已是知名人士，早前他舉行簽名會吸引不少人排隊。

小時候的馬素已經眼大大，他在練習空檔時站在鞍馬隔鄰留影。