close


都係靠自己好！（設計對白）

由即將過檔NOW的夏雨、提早解約走人的馬浚偉孭飛的無綫新劇《當旺爸爸》，上週一開始播出，叛將夏雨被禁參與其他遊戲節目，唔要做無綫親生仔的馬浚偉，亦被刪除宣傳片段，務求將二人曝光率減至最低。據了解，馬浚偉不甘被冷待，於是向戲劇製作總監曾勵珍死，終於得償所願，獲得特赦。

 

賣口乖
上週四（三月二十二日），馬浚偉拍住《當旺爸爸》演員鍾嘉欣、夏雨以及蕭正楠等出席將軍澳區的宣傳活動。雖然馬浚偉刻意賣口乖表示無綫冇大細超，更代為解釋因自己早前在內地拍劇，未能抽空返香港拍宣傳片，才有他被剔出宣傳片段的誤會。但明眼人都知道，無綫對叛將及即將離巢藝人孭飛劇集是有一套策略，一是安排在深夜時段播映，又或者盡早推出街，以免夜長夢多，幫人免費做宣傳。《當旺爸爸》安排在復活節炮灰檔期推出，無綫更一早落令宣傳部，力谷戲份不多的蕭正楠，將三線當一線做，完全不着力在孭重飛的夏雨及馬浚偉身上。「監製梅小青雖然已經辭咗職，但都係接公司order辦事，夏雨唔可以唔出現，事關套劇名係爸爸，佢冇理由唔出席宣傳。但宣傳部就收咗通知，要擺蕭正楠做第一，全部宣傳都集中係佢身上，主題曲都要俾佢唱。蕭正楠簽咗成十年，TVB都無理由捧個同公司無約嘅藝人而唔捧佢，不過馬仔睇唔開，冇得影TVB周刊，宣傳片又cut走佢啲畫面，佢覺得自己到依家都冇簽第二間電視台，唔算叛將。」知情者說。

陳總撐
求人不如自己出手，劇集推出前，馬浚偉已主動搵新鮮滾熱辣過檔商台的陳志雲幫手，接受電台訪問，陳總更完全配合，以總裁身份，紆尊降貴到直播室迎接愛將，合照大做宣傳。
針對無綫官方活動，馬浚偉便向曾勵珍埋手。本刊記者日前便發現馬浚偉坐在由司機揸車的七人車內，於珍姐位於跑馬地肇暉臺寓所外等候。接近八點，珍姐與三名友人揸車返家，之後一行人上了馬仔的七人車，同到山光道馬會晚飯。
「佢約珍姐食飯，係想珍姐幫拖，等佢可以出席宣傳活動。食完嗰餐飯，佢連出咗兩個活動，仲幫無綫解埋畫，話公司無厚此薄彼。」知情者說。

趕盡殺絕
無綫對有離意藝人從不手軟，即時掟入雪櫃，禁止出席宣傳活動，全面封殺曝光率。

陳鍵鋒
去年決定跟無綫結束賓主關係，無綫立即做嘢，大幅刪減他在最後一部劇《洪武三十二》的戲份，由第一男主角變大配角，陳鍵鋒反擊無綫孤寒成性續約唔加人工，但之後又賣口乖，表示有意重返無綫。

夏雨
即將跟梅小青過檔NOW的夏雨，即使有新劇出街，但無綫嚴控他出席宣傳活動次數，更落令禁亮相任何遊戲節目。

張可頤
無綫為免幫王維基的CTI電視台造勢，火速安排叛將張可頤有份主演的電視劇《天梯》，提早播出。 ####


等到珍姐
接近8點，珍姐才收工回家。


接去食飯
馬仔在珍姐屋企門口等候，之後載她及友人到馬會食飯。


蕭正楠返內地拍《大太監》，馬仔即時攝到位，在活動上成男一。


珍姐跟馬仔關係好，兩年前就由她親自說服馬仔留低續約。


無綫點名主攻蕭正楠，第一次出席新劇活動，就特登預備燒豬預祝他生日，更安排對手楊秀惠送吻。


同場的馬浚偉亦唔執輸，主動錫鍾嘉欣搶鏡。


陳志雲返商台開工無耐，即安排愛將馬仔到電台接受訪問，幫手協力做宣傳。


查小欣開咪指馬仔每次由外地開工返港，即會向她「請安」，她亦睇住老友，頻頻邀他上節目宣傳。


馬仔近日跟胡軍等人合作內地電視劇，他揚言拍多幾部可以買樓，難怪唔心急返娘家。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄