close

 

高呼「不去紅館誓不為人」的蔡楓華，四月七日將在紅館舉行一場演唱會，不過演唱會開騷在即，至今門票只售出四成幾，原本訂了六號到九號四日紅館檔期的他，加場無望。收四十萬歌酬自以為巨星的蔡楓華，隨時會令主辦商蝕錢。得盧敏儀出手相助解困，最終反面不認人的蔡楓華，最近又氹掂一名女fans做私人助手兼阿四，一於人盡其用。


上週四（22/3）下午六時，蔡楓華與fans助手由寓所出發坐巴士到北角一棟商業大廈，行去巴士站時，蔡楓華與fans助手保持距離，坐巴士時才間中傾幾句。

一半都冇
四月的紅館十分熱鬧，駐場開騷的包括歌神許冠傑，復合的達明一派，八十歲的大眾契爺胡楓，還有誓要踏足紅館的蔡楓華；四個演唱會，唯獨蔡楓華至今只售出四成門票，連最平價飛都未滿。去年四月，蔡楓華得好友盧敏儀相助，在九龍灣展貿的Star Hall開了三場演唱會，三場全滿，他馬上變臉，更為歌酬與唔介意蝕錢，瞓身義助他出山的盧敏儀夫婦反目。「因為嗰三場演唱會反應好，阿Ken以為自己好掂，開始乜都講錢斤斤計較，喺出邊仲唱Money同孫敬安兩公婆，Money大量，已經冇同佢計，但阿Ken唔收口係咁亂噏，仲掉轉話開騷係佢想幫Money；本來Money幫緊阿Ken搞巡迴，想幫佢再賺番啲錢，大家都冇諗過會變成咁！舊年七月之後，雙方已經無再聯絡！」知情 者說。

同聲同氣
八十年代尾憑《傷感的戀人》紅過的黃凱芹，同蔡楓華一樣，經常自怨自艾懷才不遇。黃凱芹早前返港開騷，雖然有傳票房麻麻，但兩場騷都有九成入座率，他亦去到盡，與女dancers跳辣身舞激嘴，摸胸又自摸，十分出位。

Money支持
本末倒置，忘恩負義的蔡楓華向外表示會請盧敏儀四月七日去紅館睇騷，自誇紅咗唔會唔識人。「佢啱啱尋日打俾我，叫我去佢七號嘅演唱會，但我好早就答應咗捧胡楓（四月三日）同羅敏莊（四月四及五日）場，自己又太多嘢做，未必去到。但如果有時間，我會自己買飛去睇，支持佢！」盧敏儀說。對於蔡楓華過橋抽板，盧敏儀說過去的事，不想再提。「由我之前喺《勁歌》見佢，到而家見佢比之前進步，又由住八鄉搬咗去好啲嘅地方住，可以做番歌手，我同孫生都好開心！做朋友，我完成我之前想做嘅，已經足夠！（佢紅館演唱會賣得唔好！）我唔想comment啦！我同孫生都祝佢演唱會成功！」

搵歌迷笨
早年行徑失常的蔡楓華，思路亦開始變得不一樣，外間甚至有指他經常利用歌迷的支持，藉機斂財，去年七月及十一月，便兩度歌迷會及生日會，次次收幾百元入場費，聚會一次，有過十萬入袋。除了搵歌迷錢，蔡楓華過去半年更將一名年約四十歲的女歌迷私有化，氹掂對方做他助手兼工人！「呢個歌迷以前都有參加歌迷會，不過佢好少同其他fans聯絡，舊年阿Ken出番嚟唱，佢先再蒲番頭，仲出埋錢照顧阿Ken，連工人、助手都做埋！」阿Ken身邊人說。

廢噏
52歲的蔡楓華，八十年代初憑《倩影》一曲爆紅，85年在《勁歌金曲》節目中失言，一句「剎那光輝唔代表永恆」暗寸對手張國榮，從此收皮！早年更因行為怪異，被封「四大癲王」。蔡楓華去年得好友盧敏儀挺復出，但性格無變，繼續語無倫次。


•我Ken Choi喺香港開演唱會，未蝕過錢！ •我蔡楓華能夠站在這裡，並不是世界奇跡，而是世界神蹟。 •衰衰哋我都係80年代嘅天王巨星，唔係點可以爆3場？因為我fans多。 •一剎那光輝就係永恆……不入紅館誓不為人。 •若不是為了報答盧敏儀，我不會舉行3場演唱會……我是有情有義。 •給我少少空間，我而家係idol singer（偶像歌手），我身邊嘅女人一向好辛苦！ •不招人妒是庸才……有你哋錫住我呢個天王 巨星。 •話我傻係一個不解之謎，我知嘅秘密太多，唔想我講出嚟，所以話我係傻。 •唔好再講我忘恩負義，我強調我蔡楓華一生有情有義。 •依家出嚟都要young look，我仲係偶像派。 ####


22/3


蔡楓華演唱會四種票價門票仍有大量供應，相反，八十歲的胡楓，演唱會差不多爆滿。


蔡楓華得Money相助，除了開三場九展騷，又到廣州及加拿大巡迴，一年下來，已由元朗村屋搬到筲箕灣御景軒居住。


舊年年初，蔡楓華以五千元租住元朗村屋，生活潦倒。（《忽然1周》圖片）


有指阿Ken為錢，與Money老公孫敬安反目，但提起阿Ken，Money仍處處維護他， 有情有義。


去年演唱會雖然只在九展舉行，卻請得阿倫任嘉賓。


復出後，蔡楓華多了一班fans跟出跟入，歌迷大都是年長一群，每次見他都表現瘋狂。


26/3 今次蔡楓華演唱會請了林志美任嘉賓，二人週一在土瓜灣排練。


（《忽然1周》圖片）

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄