Honey，收到未呀？（設計對白）
42歲嘅王賢誌，自爆 38歲先初戀。拍拖 4年嘅愛人咪係第一個男友？會唔會一齊出席活動呀？「我無承認過有個男友，但會同 close friend去，希望大家唔好騷擾佢。」勁緊張。

媽咪姐
王賢誌暗認斷背為𠱁仔
直俾人懷疑性取向嘅王賢誌（ Vinci），日前居然接受凌晨嘅同志電台節目《自己人》訪問，暗認同志身份，不過第二日見記者又唔肯公開承認自己「出櫃」，有啲避忌。媽咪姐聽啲「姊妹」朋友講，今次令呢位富公子大膽行出第一步嘅，係舊年喺法國同波爾表太子女楊如芯舉行同性婚禮嘅趙式芝 Gigi！「佢同班 friend豎起手指公大讚趙式芝有型，直情係佢心目中嘅英雄！」知情人士仲同媽咪姐話，王賢誌想對拍咗 4年拖嘅另一半（美籍澳門人）剖白心迹好耐，但又一直怕外間人眼光。

「 Vinci唔係擔心自己，只係擔心阿爸阿媽難受，不過屋企人其實都心知肚明。佢仲話好想似趙式芝咁，公開同愛人喺香港行婚禮。咁講其實都係想話俾愛人知，自己有幾愛佢啫！」知情者仲話呢份係王賢誌送俾愛人拍拖四周年嘅禮物㖭。

上年同楊如芯結婚嘅趙式芝（右）知道王賢誌只肯暗認係同志，叫大家俾啲空間佢。

 

 

上年，王賢誌公開同全男班去睇 Lady GaGa演唱會，性向早就唔使多講。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄