close
按摩減壓
唔知芷珊係咪工作量大增，面色麻麻地，其間佢更眾目睽睽喺餐廳按摩面部，可能想紓緩工作壓力。
媽咪姐
黎芷珊有心事
憑《最佳男主角》人氣急升嘅黎芷珊，喺台慶攞埋人生第一個大獎「最佳節目主持」後，司儀工作接踵而嚟，就連精打細算嘅 TVB都加人工俾佢，芷珊荷包進賬唔少。
不過人紅自然要付出代價，近排忙到甩轆，佢自然連瞓覺時間都少咗，最近又喺蘇民峰個節目慨嘆冇人追。有事業獨欠愛情，都咪話唔 dry爆。難怪早幾日喺 TVB西餐廳見到佢素顏兼無厘精神，等朋友期間仲不時發呆！當朋友到咗，佢又突然按摩自己塊臉，之後講電話仲揦埋晒口面， high tea都 high得唔開心。
所以話家家有本難唸的經，你睇佢好啫，芷珊姐姐有心事又有誰知道！
無聊玩手機
芷珊一個人百無聊賴玩手機，照道理玩 Candy Crush好開心㗎，點解個樣咁愁默默嘅？
忟憎講電話
朋友嚟到之後，芷珊都未笑過。講電話時更忟忟憎憎咁。
全站熱搜
留言列表
