謝天華、楊怡、苟芸慧、陳煒、陳敏之和森美等，今日 TVB劇集《法網狙擊》出席宣傳活動。活動上還大玩有關「車震」的娛樂新聞作賣點，還拉來曾傳聞的謝天華和苟芸慧，於紙牌車後合照，繼而也曾傳「車震」新聞的鄧梓峰和楊怡也成被玩對象。
而森美還戴上白色超大手套，重演新劇中對陳敏之施胸襲的場面，森美笑稱感覺如摸洗衣板一樣，而陳敏之則即時反駁指有凹凸位，令現場氣氛笑個不停。
TVB台慶頒獎禮舉行在即，不少準視帝和準視后也賣力拉票，謝天華坦言昨晚跟候選視后徐子珊合作拍賀歲片，被對方猛力拉票攻勢下投了對方一票，不過謝天華坦言也看好楊怡，故請太太給楊怡投票。至於視帝心水人選，謝天華指看好多粉絲的林峰。
而準視后人選楊怡，坦言覺得投票的透明度欠奉，等到最後一刻才知結果，她直言不論輸贏也有很多因素，覺得贏了演技會被認同。至於同場的陳煒則看好楊怡和黎耀祥奪得視帝視后。
楊怡口快快爆TVB公投: 冇乜透明度
2012-12-13 16:05:13
視帝視后戰愈演愈烈，大熱之一嘅楊怡今日喺將軍澳宣傳新劇《法網狙擊》，被問是否票數領先？
點知佢一時口快話：「無乜透明度，要到最後一刻先知。」佢之前喺馬來西亞奪視后，自言信心大增，但會以平常心面對：「因為嬴輸嘅因素有好多，唔覺粉絲多有著數，相信會有好多觀眾投票，佢哋唔止為獎品，但當然獎品有一定吸引力，嬴咗演技都會被人認同。」
【圖輯】無綫大整蠱？ 楊怡鄧梓峰苟芸慧齊車震
2012-12-13 17:36:32
謝天華、楊怡今日喺將軍澳出席無綫劇集《法網狙擊》宣傳，同場仲有森美、陳敏之、苟芸慧等。佢哋先要互相公審對方。早前苟姑娘被屈與天華車震，今日兩人繼續被玩，要喺「紙牌車」上合照，天華即拉著鄧梓峰話﹕「有單你都有份0架﹗」嘩，玩到咁大，唔驚巴斯光年發 火咩？唔好唔記得，現場仲有個楊怡喎……佢一見到寫住「深宵車震斷正」嘅封面，仲笑笑口一齊玩添。
之後森美亦重演喺劇中胸襲陳敏之的場面，森美戴住白色大手套再摸一次，摸完即唱說﹕「原本諗住摸牆，最後摸到洗衫板。」敏之挺胸反擊﹕「咩呀！有凹凸位0架﹗」幫口嘅楊怡亦被攻擊，天華笑說﹕「洗衫板幫洗衫板。」
望住呢個「深宵車震斷正」假封面，楊怡笑笑口。
森美重演喺劇中胸襲陳敏之一幕，仲笑對方係「洗衫板」。
陳敏之話自己有凹凸位，楊怡即試吓手感。
鄧梓峰(前排右一)都俾謝天華拉落「車震」大軍之中。
煒哥今日又玲瓏浮凸出動，徹底K.O楊怡。
苟姑娘密密實實冇睇頭。
早前苟姑娘被屈與天華車震，好彩今日苟姑娘冇喊咋。
徐子珊死纏爛打 局謝天華投佢票
2012-12-13 17:48:28
謝天華今日喺將軍澳出席新劇《法網狙擊》宣傳時，表示近日已於網上為「萬千星輝頒獎禮」男女主角投票，佢話噚晚同徐子珊合作拍賀歲片時，不停俾對方轟炸，故最後「局投」俾子珊。天華表示為求公平，故吩咐太太投楊怡一票，仲話兩個都睇好。
謝天華又話睇好林峯奪視帝，因為粉絲多，有著數；而陳煒則投票俾黎耀祥同楊怡，問點解唔投俾林峯？煒哥笑笑口話﹕「佢唔係我嗰type，較喜歡祥仔演技。」
徐子珊咁樣嗌咪法，係人都怕咗啦，連謝天華都買佢怕。
日期： 13/12/2012
活動： 《法網狙擊》之「狙擊漏網之『娛』」
出席： 謝天華 、 楊怡 、 森美 、 陳敏之 、
許紹雄 、 苟芸慧 、 陳煒 、 陳庭欣 、
郭政鴻 、 黃智雯 、 王君馨 、 賈曉晨 、
沈震軒 、 鄧梓峰 、 王浩信 、 鄧健泓 、
吳業坤 、 林穎彤 、 白健恩 、 李思雅 、
陳志健 、 羅天宇 、 林芊妤 、 文偉鴻 。
時間： 14:00
地點： 將軍澳新都城中心二期商場L1天幕廣場
留言列表
