出浴寫真
為台慶劇《法網追擊》賣大包的森美，爆自己乳暈較一般男人「的骰」，故出街呢一幕，乳暈同下體一樣，會以肥皂泡遮住。
探熱針
攻防戰 無綫下鹽令 森美底褲上陣氹師奶
男女鬥剝
CTI來勢洶洶，針對無 綫千篇一律保守作風，實行以破格劇做籌碼，甩頭、食內臟、廖碧兒舔蘇永康等重口味場面布定陣。對手兵行險着，挑戰電視尺度，無 綫亦唔蝕底，繼早前香香公主（岑麗香）在《巴不得媽媽》中除 bra做護踭；《名媛望族》的楊怡咬甩劉松仁嘴唇及 JJ爆奶後，新劇《法網追擊》再多加幾滴豉油，主角森美及一眾女配角奉命做「解放軍」，靠把口的森美都要剝剩條底褲上陣玩出浴，女演員更加個個奶媽上身，在熒幕大解放！
森美一剝，先知原來有 啲料到， 40吋胸肌同結實大臂肌，唔差得過班港男，搞到對手陳敏之嗌晒。
在劇中飾演女強人的陳煒，雖然係配角，但就擔起重口味位，連場索爆泳衣 look登場。
透 bra誘惑
今鋪做女警的陳敏之，繼續騷 42吋長腿外，還有濕身透 bra誘大家。
乳暈特細
劇中飾演警察的森美唔止要搞笑，仲要扮宇宙最強甄子丹一打七，兼且剝衫賣埋肉。剝剩底褲見人的森美不負所託，要肌有肌，四十吋胸同結實大腿，一啲都唔失禮。為了「騷肌」，森美狂操個幾月，底褲見人事小，反而被對手陳敏之發現笑爆他乳暈異常細粒更尷尬，為了遮醜，森美拍出浴鏡頭時，刻意用肥皂泡遮住兩點，十分搞笑。
「唔理人 哋（ CTI）拍咩，我 哋配合劇情搞笑 啫，拍到中途，監製話見我減 咗廿幾磅身形 fit晒，不如唔好 嘥料，出浴鏡頭露多 啲，咪當益街坊囉。唯一辛苦係拍 咗幾粒鐘， 啲肥皂泡滑潺潺，沖極都仲有咁，返到屋企沖涼再沖 咗個幾鐘。」「解放軍」森美說。笑星變肉男，森美奉命脫之外，無綫處女王君馨，在劇中都要行性感，大晒 34C倒奶做秘書，跟陳庭欣、陳煒硬碰鬥胸。
除在新劇性感連場，陳煒在綜藝節目《瘋狂歷史補習社》扮演潘金蓮時亦拋胸露背，連佢都話呢場係電視版《肉蒲團》。
處女倒奶
無 綫處女之一的王君馨，在劇中係律政司秘書，但經常都倒奶出場，擺明營造俏秘書形象吸宅男客。
全線落鹽
除了劇集落重料，無綫連處境劇都照辦煮碗，實行有殺錯，無放過。
日前《愛•回家》一幕白雲拋 35E巨胸色誘羅天宇，爆奶場面完全摧毀歷年處境劇框框；綜藝節目《瘋狂歷史補習社》亦唔執輸，扮潘金蓮的陳煒露前露後，全線重口味。
對於無綫「下鹽令」，《法網追擊》監製文偉鴻另有說法。「森美出浴 嗰幕只係搞笑，唔係重口味。至於其他女仔性感都只係劇情需要啫。況且套劇開嘅時候， CTI都未有試映會，絕對唔關事。」
性感醉娃
港姐陳庭欣雖只係客串首集，但已經唔錫身，以一條低胸裙飾演醉娃，色誘檢控官謝天華。
《法》劇監製文偉鴻話森美同班女配角 嘅性感場口，全為劇情需要，非為迎戰加料。
身為女主角嘅楊怡同咪神高海寧，則由始至終包到實，但據知二人在劇中發展亦相當重口味，前者做了一個不可思議的抉擇，後者遇大劫數。
CTI辣招
早前 CTI試映會播出新劇短片，其中梁小冰主演的《驚異世紀》有食內臟場面，而廖碧兒同蘇永康則在另齣劇伸 脷狂舔。
無 綫解放軍
同 CTI埋身肉搏，無綫唔再齋照顧師奶市場，近年開劇，題材同場口明顯多了鹹味，成功招攬宅男網友，議論紛紛。
《愛•回家》爆乳
處境劇一般老幼咸宜，但無綫為加強防守力，竟然派出巨乳白雲客串，在鏡頭前晒 35E，場面逼爆，師奶宅男，一樣睇到嘩嘩聲！
《巴不得媽媽》玩 Bra
小品式劇集，一幕香香公主除 bra給扭傷的錢嘉樂做護踭，引來全城熱話。下次重播，改名《 Bra不得媽媽》，仲貼題！
《名媛望族》夠情慾
劉松仁跟楊怡嘴到鼻都歪晒唇都長埋，再附送 JJ賈曉晨賣大包， 30年代背景題材，最激今次。
《天與地》人食人
留言列表
