爆趾公
胡定欣上週六（八日）為東華籌得二十萬，更踢爆腳趾公，傳聞她揮低大熱江美儀攞硬「最佳女配角」，爆甲流血也在所不計（小圖）。
探熱針
爭女配角 胡定欣血戰江美儀
台慶頒獎禮下星期一（十二月十七日）舉行，無綫搞全民投票選視帝視后及最佳劇集，其餘九個獎項，則按舊制由梁乃鵬、李寶安、樂易玲及曾勵珍等九大高層組成的評判團，再加上無綫員工公投選出。個個恨攞獎，被譽為升上一線指標的「最佳男女配角」獎，同樣令一眾等上位的姐仔小生流晒口水。
當中，以「最佳女配角」爭持最為激烈，由《名媛望族》的三姨太江美儀，大戰《拳王》中飾演「聾啞女拳手」的胡定欣。「九大評委」多番開會，兩女各有支持者，暫時以擁有「親生女」背景的胡定欣穩佔上風。為報答公司，胡定欣在東華籌款作危險演出，最後爆腳趾公流血，苦肉計踢走江美儀，強攞「女配角」。
近年東華甚少藝員歌星支持，胡定欣臨危受命跳絲帶舞，在半空作高難度動作。
臨近尾聲，胡定欣飛上鼓頂位置，點知衝力太大，搞到爆甲見紅。
關二嫂奪飛躍
預咗輸
早前在法國拍攝《衝上雲霄 II》外景，江美儀話同劇組食煞科宴，預早祝賀同劇的胡定欣得獎，自己則打定輸數。
今年「女配角」之爭，其實還有年頭憑《缺宅男女》衰格「關二嫂」彈出的黃智雯，與「關二哥」梁烈唯一同有份提名「男女配角」，但「九大評判團」開會商議，認為二人資歷尚淺，決定頒發「飛耀進步男女藝員」以作鼓勵。
無咗「關二嫂」，在台慶劇《名媛望族》飾演三姨太的江美儀，劇中色誘「老公」劉松仁，後與吳卓羲通姦，演技備受外間激賞，連發哥也撐她攞「女配」。
公司開路
完成演出，胡定欣做完訪問影埋相，除鞋時才發現趾公流血（紅圈），要保安為她清洗傷口包紮。
可惜，江美儀並非無綫親生女，有過半數評審認為「自己友」胡定欣才是「女配」最佳人選。事實上，加入無綫十年的胡定欣一直不乏機會，至今已拍了四十多套劇集。○八年，她憑《野蠻奶奶大戰戈師奶》、《古靈精探》及《搜神傳》等劇集奪得「飛躍進步女藝員」獎，也憑《銀樓金粉》入圍「最佳女配角」五強，到二○一○及一一年，再憑《刑警》及《法證先鋒 III》，提名「最佳女配角」並躋身五強。
得寵指數上升，近年胡定欣在《巾幗梟雄》、《王老虎搶親》及《當旺爸爸》等劇中榮升第二女主角，更在台慶劇《大太監》飾演黎耀祥的「對食妻子」倩蓉，角色有發揮之餘，公司還安排二人合唱片尾曲《日月》，稍後開拍的新劇《食為奴》，胡定欣終於擔正做女一，上位無
難度。
臨尾香
公司錫晒，胡定欣更加賣力，上月尾身在法國拍攝《衝上雲霄 II》時，收到公司 order要半天吊表演絲帶舞為東華籌款，即使僅得一個星期練習，胡定欣一口應承。
上週六（十二月八日）東華演出一切順利，唯獨最後在半空飛落地動作，因衝力太大扭傷腳腕，不過心情興奮的她完全唔知痛，做完訪問換衫才發現自己踢爆腳趾公，整塊 gel甲脫落，就連真腳甲亦被撬起流血，最後要由保安員為她整理傷口。
胡定欣在《拳王》（上）及江美儀在《名媛》的表現，同樣出色，不過胡定欣是親生女，贏面較大。
率先爆 得獎名單
信心爆燈
在《大太監》與祥仔做對食夫妻，胡定欣飾演的宮女角色，遭遇悽慘，戲份有發揮。
賣命演出，胡定欣開到口希望三連冠。「之前喺馬來西亞同新加坡都攞咗女配角，香港攞埋就好圓滿。（但提名女配角係《拳王》並非《大太監》，會否減低贏面？）唔會，兩套劇 嘅角色我都好鍾意，無理係咩卡士定台慶劇。」
提到勁敵江美儀，她答得避忌：「其實仲有好多女仔都係勁敵，陳茵媺喺《大太監》都好好呀，不過我對自己有信心，我會投自己一票。」
至於剛與胡定欣在歐洲及台灣拍完《衝上 II》的江美儀，就算有發哥欽點，自己卻打定輸數。「佢（指胡定欣）個勢咁勁，馬拉攞完，新加坡又攞，仲要係亞洲最受歡迎女配角喎，又係親生女，我都買佢贏，今年無咪下年囉。不過都好開心三姨太個角色咁多人鍾意，噚日喺街有位太太叫我唔好飲咁多酒，我話個衰佬唔理我，佢好肉緊咁話：『係喇！ 啲衰佬好衰 㗎！』好好笑！」
墾丁玩狗
江美儀在台灣墾丁沙灘為《衝上 II》拍外景，見到當地臨記抱狗開工，她自嘲發狗癲，立即搶人隻狗抱住狂影相。
倫敦歎燒烤
在倫敦拍攝時，晚上相約鮑姐（鮑起靜）女兒及男友晚膳，在倫敦聖保羅大教堂旁一間有名廚坐鎮的食店食燒烤，埋單近二千元（一百五十英鎊）。
姊弟戀
在《衝》劇，江美儀飾演高級機艙服務員，與機師丈夫離婚後，被公司高層單立文力追，最後竟跟高級副機長馬國明發展姊弟戀，戲份不輕。
強勢拉票
留言列表
