探熱針
重新起步 返港打包 傅穎北京長住
傅穎（ Theresa）去年踢爆與羅仲謙拍拖捱打，即被經理人公司星皓電影雪藏，直到今年七月，才正式解凍，安排她到台灣拍攝偶像劇《七個朋友》。
上週四（十二月六日），本刊發現 Theresa去完中旅社辦證再四出辦貨，準備收拾，打包飛返北京，在當地搵屋租長住。
在台灣拍《七個朋友》四個月， Theresa與劇中演員相處融洽，今年九月廿二日生日當天，大家一起為她慶祝，開心不已。
回港做伴娘
傅穎與羅仲謙千絲萬縷的關係，於男方速上楊怡後，正式玩完。早前留守台灣拍偶像劇《七個朋友》的 Theresa最近已秘密返港。
「 Theresa喺台灣留 咗四個月，一直冇返過香港，佢好掛住媽咪，仲有佢家姐結婚，所以十一月尾拍完套劇就趕返 嚟，幫家姐做伴娘。」 Theresa好友說。
補領回鄉證
6/12補領回鄉證
飛北京前發現遺失了回鄉證， Theresa急急到中旅社排籌申請補領證件。
上星期四（十二月六日）中午， Theresa到中旅社補辦證件。據了解，她準備搬到北京長住。
「台灣套劇其實係中、台兩地合資，出年會 喺國內播，星皓 喺北京有公司， Theresa都覺得自己要喺事業上有突破，必定要付出時間，留喺國內生活。今次佢返香港一個禮拜左右，執埋 啲行李同補買 啲必需品，就會飛返北京，搵屋租長期留低，但佢大頭蝦，臨飛北京前幾日，發現自己唔見 咗張回鄉卡，所以要去搞補領囉！」
搵羽絨買
做好補領回鄉卡後， Theresa去了尖沙咀一轉，買完 iPad mini保護貼，再到 H&M搵同 MMM crossover的羽絨外套，可惜早已賣清。
最後行去卓悅買埋暖貼和護膚用品， Theresa會合了幾個朋友，一齊的士離開。
收拾好一切後， Theresa於週六（八日）起程飛北京，疊埋心水在當地長住，重新開始。
北京天氣寒冷， Theresa買了大量保暖貼，以防萬一。
買不到心頭好， Theresa唯有揀選一些用作打底的衣服。
為免被認出， Theresa在鬧市中戴上口罩，邊行邊講電話。
Theresa與羅仲謙的一段情已過，現階段的她暫將感情事放在一旁，專注事業上的發現。
留言列表
