close
同你吟一吟
四歲甘比女 like三張峯叔
啱啱滿咗三十三歲嘅林峯，星期日（十二月九日）喺尖沙咀 The One舉行新唱片簽名會，接近二百 fans到場外，大劉劉鑾雄個心肝椗劉秀樺都係座上客。
寶貝女鍾意峯叔叔，生得咁滯嘅甘比四十八孝，舉家坐前排齊齊撐場。睇住台上 chok峯，四歲嘅劉秀樺舉晒手好生猛，又自己揸住相機，幫峯叔叔影沙龍，之後仲上埋台送紀念品俾林峯，十個 like。
當日峯少啲 fans玩遊戲嘅獎品係同偶像攬攬，有主場之利嘅劉秀樺更加雙倍優惠，得到峯叔叔愛的抱抱回贈。 Fans年齡層由四歲起，林峯賺晒啦，個爛鬼視帝獎，根本唔重要。
見囡囡睇到郁晒手擘大腳，甘比即刻 㩒住驚佢跌落地。
四歲劉秀樺親自 㩒機幫峯叔叔影相，嚇親外婆。
劉秀樺由甘比妹帶上台送紀念品俾林峯，峯叔叔即刻抱上手，好識做。
玩完遊戲有得攬，姐姐仔，使唔使幫你叫定白車？
全站熱搜
留言列表
