本週日，四太帶住勝利笑容出嚟做訪問。

名人有喜

賭王生日　四太強勢揸「期」

2012年12月13日 ~~ 第1188期香港《壹周刊》

賭王何鴻燊妻妾成籮，每年生日都按住時間表分配輪流慶祝，今年賭王九十一歲生日，二房一如以往捐咗二百萬俾公益金，而一向同賭王慶祝農曆生日嘅三房，今年無論新曆、舊曆都冇份，只分到上週三喺福臨門擺壽宴。
今次威晒的四太梁安琪，上月廿五日正日於 SEVVA包場搞完自助餐後，本週日賭王的農曆生日都在四太家點燈過夜，據知今次生日時間表由四太話事，邊房得寵有眼睇。

三房冇期

自從「分燊家」事件後，二、三房失寵，而四房則乘勢而上，從今年賭王生日各房分得的慶祝時間表，已經高下立見。二房於賭王正日的早兩日跟賭王切 cake捐錢慶祝，何超鳳說：「今日係我哋個期，早做早好。」至於一向霸住何生農曆生日的三房，今年沒有在「珍寶」大搞，反而提早於上週三在福臨門擺十二圍賀壽，有傳三太怕賭王農曆生日前夕撞正《歡樂滿東華》所以避開，但知情者說：「今年老闆生日各房賀壽時間表，其實係由四太話事。」所以當記者問三太怎不慶祝丈夫農曆生日？三太笑笑口不語，超蓮代答：「因為星期三係我哋。」星期日農曆生日會否再慶祝？三太擰晒頭話：「我就唔會啦，不過會喺屋企切蛋糕。」

上週六超雲陪阿媽三太出席《歡樂滿東華》，前面睇成個人瘦晒（左圖），但背脊就唧出成嚿肉。

見記者影相，陳山聰由黑面轉笑面，變臉技術一流。人人以為佢做硬何家女婿，超雲就話：「我唔會認定任何人做對象。」

四太風騷晒

相比起三太的細藝壽宴，四太梁安琪就大龍鳳得多，除了擸咗正日為賭王壽賀，三太為賭王設宴當晚，四太隔住大海都要攞彩，以澳博董事身份出席於澳門舉行的極品名釀慈善拍賣晚宴，以三百二十萬投得全場最貴的兩支紅酒，四太表示：「今次投酒賭王係最大支持者。」擺明投酒贈興。
而本週日的農曆生日，賭王下午五時半在三太大宅出發往四太家，甚少行出大宅外同記者做訪問的四太，竟風騷地踢住拖鞋出來見記者，「你哋唔使等啦，我今晚七點鐘要過澳門，何生而家過嚟做吓運動，今晚唔出去㗎啦。」自爆賭王喺四房過夜，四太今次威到盡。

賭王一落車，三太在旁照顧，而超雲（箭嘴）則掛住同記者傾偈。

三太表示送「雞」（小圖）給賭王，而超雲（左三）、超蓮（左二）及猷啓則送了褸給老豆，陳山聰則送了心意嘢——麻雀枱。

三房設宴當晚，四太於澳門投酒贈興。

蕭芳芳與丈夫張正甫送了盆景給賭王，「松柏長青，祝佢身體健康，最緊要健康、開心。」

霍震寰太太陳琪琪亦是座上客。

三太胞妹陳婉玉一早到場幫手打點。