同你吟一吟
豐乳籌款 陳煒胸襲東華
一年容易又東華，年年俾人鬧悶騷，無 綫今年唔再是是但但，安排一眾女藝人以波會總理，希望籌得更多善款。
活動當晚（十二月八日），打頭陣出肉有梁政 珏，孖住郭政鴻一齊表現魔術。其實變 咗 啲乜，有冇穿崩，根本唔會有人睇得到，因為梁政 珏件低胸衫實在太低胸，郁一郁都好胸湧，加埋佢 over晒 嘅自摸高潮嘴，已經夠晒「摸幻」。
緊接登場，有示範高難度瑜伽 嘅黃佩霞、張嘉兒、李雪瑩以及鍾麗淇。做瑜伽見到事業線其實不出奇，只係黃佩霞 嘅 cup數太驚人，隨便一個倒轉動作，左右半球即漏，夠晒高清。
不過最明買明賣都係第一年參與東華 嘅陳煒，著 bra top跳肚皮舞，又𠌥前又扭腰，想冇 嘢睇都難，不過陳煒就客氣話：「其他人 cup數比我大，自己有壓力，所以扭得勁 啲。」
咁又係，同佢一齊跳肚皮舞仲有出名大胸 嘅許亦妮，但只被安排做陳煒伴舞，件衫仲完全淹沒晒啲心口肉，只怪佢條腰太粗肚腩太凸，比起陳煒應大得大應幼得幼，許亦妮唔該去減減肥先！
太好肉
冇腰，仲要凸腩，就算許亦妮大陳煒成個 cup，都只能夠靠邊站做其中一個伴舞。
倒豎胸
黃佩霞（右一）係瑜伽高手，兩邊倒奶好震撼。
Mary嘴
話晒合家歡節目，即使梁政 珏件衫係大會提供，露幾多佢冇權話事，但呢招自摸高潮嘴，擺明過 咗火。
最失敗
橋唔怕舊， N世前周潤發台慶表演過踩燈膽，今次輪到敖嘉年同朱千雪疊羅漢孖住踩，難度係高 咗，但練得三日咁多，現場表現踩爛燈失平衡要師傅扶實，失敗。
最無聊
唔少人認為當晚東華籌到 200萬可以上鏡扮貓叫 嘅「 Cat Duet」最悶，何止！仲有阿叻，著件厚皮褸加眼罩同口罩，用心口整斷光管，究竟難度 响邊呢吓？
全站熱搜
留言列表
