飛躍進步獎男女藝員争崩頭 @ 818 娛樂八掛大放送★

梁烈唯搣甩懶音信心大增

憑「關二哥」而為人認識的梁烈唯、上位小生王浩信與無綫高層曾勵珍的愛將蕭正楠今年備受力捧，均在多個劇集內孭重飛，更齊齊角逐今屆「飛躍進步男藝員」獎，王浩信笑言今次的競爭對手都是好兄弟：「除咗金剛之外，蕭正楠、梁烈唯同羅仲謙全部都係我結婚時幫我做兄弟嘅，兄弟之間競爭冇所謂啦，都係良性競爭。」

梁烈唯、王浩信同爭飛躍進步獎無損兄弟情。

剛在馬來西亞拿了「我的最愛最具潛質男藝員」獎的梁烈唯表示，此獎令他信心大增：「呢個獎好似等同TVB『飛躍』咁，我未攞過，都好想攞。」雖然唯唯看似突然彈出，但原來他亦曾經歷過人生低潮更一度想過退出娛樂圈：「嗰時大概係06-07年，好似做極都做唔好咁，懶音又好勁，成日畀人笑，好唔如意，我諗自己係咪唔適合呢行，之後Bobby（歐陽震華）同我講如果想喺電視圈做，一定要咬字清晰，跟住我突然間有動力推自己，去買好多發音書籍嚟苦練，之後終於將咬字搞番好，不過改嘅過程好辛苦。」

王浩信

苟芸慧硬撼香香飛勝不可

同是宅男女神的苟芸慧和岑麗香今年極速上位，將一起角逐「飛躍進步女藝員」獎的二人均表示希望得獎，不過另一位候選人黃智雯亦不容忽視，她憑《缺宅男女》的「關二嫂」一角而為人熟悉，今年「飛躍」的「三分天下」形勢，定必令評判甚為頭痛！

苟芸慧對角逐飛躍進步獎充滿信心，屆時會以超索女神出席頒獎禮。

無綫新一代力捧小花苟芸慧和岑麗香近日將比併擂台伸延至即將來臨的《萬千星輝頒獎典禮2012》上，有兩項提名的苟姑娘大鬥三項提名的香香公主，二人同被提名「最佳女配角」和「飛躍進步女藝員」獎，香香更憑劇集《巴不得媽媽……》「香乃馨」一角提名「我最喜愛的電視女角色」。對於獎項，苟姑娘表示有一定信心，不過都預了當晚會「齋坐」：「如果可以我想攞「飛躍」，不過我知道自己仲有好大進步空間，所以已經做好心理準備，會着到靚靚坐喺一邊睇騷，支持其他同事。（覺得邊個對手最強勁？）「飛躍」我覺得係Mandy（黃智雯），而「女配」就胡定欣。」

叫3飛有着數

雖然跟香香競爭相同獎項，但苟姑娘表示不擔心跟香香比較：「其實我睇好佢，覺得佢角逐3個獎嘅機會係高啲，不過有比較先有進步，有良性競爭都係好嘅，自己有不足嘅地方都可以喺佢身上學習。（覺得香香可以攞咩獎？）最喜愛電視女角色。（因為你冇份角逐？）哈哈，其實我覺得佢係Cute好有觀眾緣，如果以觀眾角度，我覺得佢攞呢個獎係合適，同埋佢都會攞得開心啲嘅。」

獲三項提名的香香可見已獲肯定，難怪她感到驚喜。

黃智雯亦是飛躍進步獎熱門人選。