探熱針
兜巴星 update版 曾志偉趕絕徐淑敏夫婦 「全個娛樂圈都吸毒！」
自從有藝人被爆出開「迷幻飯局」，風波一發不可收拾，事件愈鬧愈大，涉及人物徐濠縈、何超儀及徐淑敏老公黃浩等外，曾志偉亦加入戰團，並在上星期三晚（ 5/12），發生掌摑事件。
事發當晚，黃浩及徐淑敏兩公婆一度被四名大漢禁錮及阻止報警，其間又有人大爆，「全個娛樂圈都吸毒！」烏煙瘴氣！
黃浩在警車內先向軍裝警員提供資料，再坐警車往醫院驗傷。
在救護車上，黃浩咳了幾下，並在嘔吐袋吐了一些物體，並用紙巾抹面，而徐淑敏就一臉愁容。
梁漢文撥火
突然出現了十多名大漢圍在黃浩的林寶堅尼坐駕，一見有警察到場就散水。
上星期三（十二月五日），黃浩陪老婆徐淑敏到金鐘萬豪酒店，參加晨曦足球隊班主兒子周志豪與落選港姐鄭嘉雯婚宴，黃浩被安排與高海寧、陳爽及陳茵媺等一班無綫姐仔坐在第十九枱。
食到約十時半，黃浩開始過枱與其他賓客打招呼傾偈，其間，他行去第十七枱與洪金寶傾偈，傾了大約八分鐘，離開時就與曾志偉及梁漢文撞到正，據現場目擊者稱，梁漢文一見到黃浩，就指住他：「黃浩呀！」
「嗰陣大約十點十左右，見到志偉同 Edmond（梁漢文）喺度同黃浩傾偈，志偉個樣好認真吓，聽見佢話：『黃浩，×你老×，有冇搞×錯？自己人都搞？過嚟傾吓，自己人就咪×搞！」之後志偉同 Edmond就一左一右搭住黃浩膊頭， Edmond就話：『搞×錯，而家單嘢搞到啲兄弟姊妹，單嘢點×樣計先？搞到大家都話佢哋吸毒。』其間有人開始發火，『我哋全個娛樂圈都有吸毒，你係咪要拉×晒佢哋先？』」現場目擊者說。
據目擊者稱，當時黃浩相當尷尬，一味叫志偉他們不要講笑，其間有人叫黃浩不要交啲（開飯）片出嚟，當無事發生過，更有人吩咐黃浩去警署銷案，而黃浩則解釋由頭到尾都想大事化小。
沈嘉偉幫口
「之後沈嘉偉行過，都有幫口做和事老，黃浩答應話臨走出去同啲記者講了解番件事，根本冇人喺佢間餐廳吸毒，只係傳聞。本來志偉都 OK收貨，不過黃浩就加多句：『你哋都應承番我，叫佢哋唔好再整蠱我！』
「聽到呢句，志偉又再扯火：『依家整你唔起？我哋成個演藝人協會整你一個！』見勢色唔對，沈嘉偉又出聲勸，但志偉繼續爆粗狂鬧：『你條契弟，一陣出去你係咁講至好呀，唔係我就打×你！』之後就有人兜巴摑落黃浩塊面度，『×你老×，我依家冚你，你報警吖！』當時見到黃浩即刻打電話，但幾秒之後就有兩個男人 㩒熄佢個電話。」目擊者說。
苗僑偉同林國斌護送志偉離開差館，見有記者追訪，苗落車狂鬧及阻止再追訪。
飲到醉醉哋的志偉，在多名好友傍住，前往中區警署落口供，但因酒醉未清醒，要求擇日再落口供。
婚宴上黃浩坐十九號枱，而志偉坐十七號枱，兩枱距離甚近。
沈嘉偉在掌摑事件中，擔任和事老一角。
七國咁亂
迷幻飯局進階至兜巴星，當中牽涉的藝人，有着千絲萬縷的關係，單從牌面，黃浩兩夫婦輸晒，注定無運行。
兩度報警
現場開始混亂，志偉更一度想再埋黃浩身，但遭人拉開，而沈嘉偉則負責拉開黃浩，其間黃浩被兩名男子拉入麻雀房，加埋房內另兩名男子，共四人𥄫實他。據知，其間黃浩再試圖報警，但講唔夠十秒，就被人搶去電話 cut線，過了不久，再有幾名男子帶了徐淑敏入房，並指住她爆粗：「×你，叫你老公唔好咁×多事，唔×好報警！」
黃浩夫婦被困超過十分鐘後，房內大漢突然讓他們離開，與此同時，黃浩停泊在酒店門外的林寶堅尼跑車，被十多名男子圍住，故一度有傳是江湖人物吹雞，有酒店職員報警，兩架衝鋒車及超過十名警察奉召到場，這班不知來路的男子，才陸續散去。
其時，一名軍裝警察走近黃浩身邊，問他是否打過兩次九九九報警，並問是否有人企圖阻止他報警，之後黃浩與徐淑敏上了救護車，往瑪麗醫院驗傷，至凌晨二時，再到中區海傍警署逗留了半小時，據知，警方是要求到警署進行認人手續。
至於曾志偉，凌晨十二時離開酒店後，由苗僑偉及林國斌及一些大漢護送前去中區海傍警署，逗留約半小時，但有指因為曾志偉以酒後不清醒為由，要求擇日再落口供。
上星期五（ 7/12），黃浩再到警署落口供，事後接受訪問即反口表示冇睇過有藝人吸毒影片。
8/12
在《東華》舉行當日，志偉以「食屎狗」論，暗寸有人亂吠。
7/12
在律師陪同下， Eason同徐濠縈開記者會作出反擊。
陳家瑛與姓蘇律師到警署報案，聲稱有人利用影片勒索，但警方卻指一名姓蘇男子是代表姓陳及姓徐女子就 12年 10月一宗灣仔區食店發生的刑事恐嚇案提供資料。
盛傳同阿徐在飯局中有親熱行為 LMF成員阿 Kit，週二到灣仔法院，為今年四月另一打人案件提訊後，拒絕回應任何問題。
星期日（ 9/12），志偉入馬場，其間遇到譚詠麟，阿倫即時玩嘢，作狀摑志偉一巴。（《蘋果日報》圖片）
徐濠縈反擊
「掌摑事件」發生後，黃浩明顯收口。在其他藝人包括張學友紛紛聲援下，徐濠縈沉默了兩星期，十二月七日（上週五），由老公陳奕迅陪住，到香港報業評議會秘書處投訴，更親自發放九張一年前飯局圖片，從相片所見，枱上的碗碟和枱面都清潔整齊，該是飯局開始時影，唯一同傳聞所講一樣，是男一枱，女一枱。
在律師建議下， Eason經理人陳家瑛和蘇志榮律師，代表到灣仔警署備案，聲稱懷疑有食肆企圖濫收費用，以及懷疑有人利用「所謂存在」的錄影帶進行勒索行為。
有彎轉
據伍家賢律師表示：「每個人都有人身自由，如果喺當事人唔情願嘅情況下，將佢困喺一個地方，已經算係非法禁錮，最高刑罰可能會被判監，但都要睇番事件嚴唔嚴重，都有可能判其他刑罰，例如緩刑、社會服務令等等。
「另外，按曾志偉同黃浩呢件事，如果當中真係有人出手掌摑對方，就當然算係襲擊，至於可唔可以落案，要睇番當時有冇證人，有冇錄影帶，又或者如果襲擊者證實自己飲醉酒，當時唔清醒同埋唔係有心傷害他人身體，都會比較難落案，而判刑都要視乎被襲者傷勢同事件嚴重性而定。」
開飯派對曝光
友人拍照，何超儀眼超超回應鏡頭。
男一枱
男女分開坐，枱上食物唔多，狀似坐低開餐冇耐。
阿徐同友人雞啄唔斷，講多過食。
女一枱 
飯局上李璨琛難得清醒示人。
連累康緹
徐濠縈捲入「迷幻飯局」事件，有傳媒在 Eason夫婦女兒陳康緹就讀的拔萃女小學追訪她，或多或少對康緹帶來影響，也令 Eason無法再對事件坐視不理。至於學校其他家長，對今次事件，大部分封口。
靚太：嘩！好敏感，唔講！（擔唔擔心對個女有影響？）都唔係唔擔心㗎！
陳太：唔驚影響校風，學校冇指引亦冇提過。
另一不願透露姓氏的家長說：我完全唔擔心，呢間學校嘅學生同家長都好好，家長好健康，唔會影響小朋友。
留言列表
