求愛大作戰 鹹豬手 爆粗 出蠱惑 《求愛大作戰》淫亂荒島 阿佳 撻着《盛女》Mandy
■《求愛大作戰》播映以來，能否助參賽者成功求愛，暫時仍未知道，不過總算創造不少話題。
資料圖片
無綫真人騷《求愛大作戰》今個星期講到四位盛男要在龍目島比賽拗手瓜奪美人歸，前晚的一集講到八人分四組比賽，輸了的一隊被罰在荒島過夜，但卻發現比賽過程中Cyrus抱起Whitney時竟疑似鹹豬手，觸及女方敏感部位。
Vivien冇面見人
片段中Cyrus雙手抱着Whitney衝向終點時，竟看到他雙手手指疑似觸及女方下體敏感位置，但雙方玩得投入似無異樣，Whitney還興奮伸脷及舉高手。另一場面是Vivien要騎上Justin膊頭，以便她拿到放在樹上的詩句，但她竟欲由正面向着Justin騎膊馬，因此下體會對正男方面部，Justin即時發難：「點會咁騎！」最後Justin及Vivien勝出，阿佳和Carol包尾，但原來此結果是四男夾計造馬，因Justin不想和Vivien獨處。為了要輸，阿佳吹波時刻意受傷，但卻真性情爆粗：「咁X痛嘅喂！」
被眾男夾計玩謝，及主動以下體向Justin面部的Vivien，昨日在電話訪問中梨花帶雨哭訴：「冇嘢回應，由頭到尾都俾人玩，俾人跣俾人呃，我唔想見人。」說畢匆匆收線。
【抱女跑超投入】
電視圖片 
【重口味騎膊馬】
電視圖片 Cyrus清者自清
而Cyrus在電話中說：「玩時真係冇理咁多嘢，玩完仲好開心，大家都冇講乜嘢。」他表示前晚跟幾位參賽者一起收看也沒為意，後來看到網友留言及截圖才知出事。對於被指疑似鹹豬手，Cyrus稱：「冇唔開心，人哋點講控制唔到。」他表示片段出街後未有跟Whitney聯絡，若有機會可向她解釋，並相信見面不尷尬。
講到Cyrus疑似鹹豬手，《求愛》編審岑應昨在電話中表示：「我信Cyrus係斯文男仔，玩遊戲難免會有。」至於Vivien以下體對向Justin正面，岑應謂：「估唔到佢咁有創意嘅舉動，拍咗冇理由唔出。不過知佢情緒唔穩定，我哋會安慰吓佢，唔好笑佢。」
■有讀者爆料，提供Vivien有豬腩肉的照片。 
■綠魔Karl前晚以透視裝跟Carol齊出席時裝活動。
另外，綠魔Karl前晚以透視裝與《求愛》的Terry及Carol出席在將軍澳舉行的時裝活動，對於收視下跌兼有觀眾投訴內容粗鄙，Karl說：「今次係一個真人騷，所以修飾唔係太多，外國都有好多呢啲節目，總之我哋意見接受。」對於Carol被本報影到和Justin約會，她說：「仲係朋友，我哋日日有聯絡。」
採訪：比華利、卓寶花
攝影：黃偉雄
阿佳撻着《盛女》Mandy 232,957 
■阿佳在facebook貼上和Mandy頭貼頭相，擺明已撻着。
正當前晚《求愛大作戰》講到阿佳刻意慘敗，乘機可以和Carol在荒島過夜，但原來現實中他已經轉軚心有所屬。
岑應做紅娘
昨日有讀者報料指阿佳facebook的profile相，竟換上跟《盛女愛作戰》中Mandy的頭貼頭相，在留言中阿佳和Mandy更互相向對方說：「Kiss」，不少朋友大讚兩人匹配，擺明阿佳和Mandy已撻着蜜運中。
當日播出《盛女》時已踢爆Mandy和編審岑應是好姊妹，據知Mandy經常跟着岑應出席《求》的宣傳活動及眾人私下聚會，造就Mandy和阿佳相識，男方主動出擊追求美人歸，看來阿佳貼出兩人貼頭照，擺明想向其他男士宣示主權。
撰文：林妃
Sharon狂踩Rocky致歉 169,591 
■Sharon前晚和Rocky沒有避忌跟其他人一同收看《求愛大作戰》。
之前因強姦事件搞到一身蟻的《求愛》港男Rocky，前晚一集比賽中與港女Sharon一隊，雖然最終未有勝出，但他們獲安排撐枱腳食自助餐。但港女上身的Sharon在鏡頭前毫不留情狂踩Rocky醜樣：「你望住佢個樣，都要食得落至得㗎……Vivien有講過，話不如Rocky我畀錢你去整容啦，整好咗先至同我食飯啦。」擺明人身攻擊。
阿佳加入戰團
節目出街後，Sharon昨日在facebook留言跟Rocky道歉：「本人在此亦向黃先生（Rocky）致歉，對於本人無禮的言論而對該人士之傷害，深表歉意。」雖然道歉，但阿佳卻指Sharon不夠誠懇引發雙方罵戰，Sharon重申留言重點其實並非道歉，而是寸四位男士竟夾計玩Vivien，傷害她自尊心。其實前一集Sharon和Vivien分床時被指欺負Whitney，退讓床位卻出言單打，亦被觀眾狂鬧。
撰文：葉雪
踩Rocky惹公憤 Sharon知衰道歉
前晚《求愛大作戰》參賽者Rocky和Sharon組成一隊玩遊戲，曾自認是「港女」的Sharon，玩吹波遊戲時已露出不耐煩本性，最終兩人過關不用流落荒島，更可撐枱腳食自助餐，但事後Sharon被問到與Rocky食飯的感受，她竟對住鏡頭狂踩，她說︰「有人請你食飯，你望住佢個樣，都要食得落至得o架！我唔係話Rocky個樣真係好差好差，但係就始終佢塊面上面就……即係比較多月球表面位啦！如果唔望其實係OK，但係望實好似你會食唔落飯囉。」惹來網友不滿狂鬧。
昨日Sharon知衰在Facebook向Rocky公開道歉，又謂有私下向Rocky道歉，不過她道歉的同時，亦指替Vivien被盛男夾埋整蠱不值，阿佳見狀留言寸Sharon道歉毫無誠意。至於當時人Rocky對於被踩，他則表示沒有生氣：「其實冇嬲Sharon，佢道歉呢個行為幾Surprise（驚訝），我覺得冇需要，自己本身唔小器。（Sharon話有直接向你道歉？）可能佢講咗我聽唔到啦！」
留言列表
