close
雙眼皮比以前雙多兩錢重，硬膠東俾太陽曬住依然活力十足，捲起衫袖跳舞，旁邊嘅阿 Sa，已經熱到冇晒表情。
同你吟一吟
陳曉東膠樣年華
三十八歲孫佳君公開承認打 Botox去皺，認為年紀大修補吓乃扮靚常事，同樣都係 38歲嘅陳曉東，都走去打番兩針！
貪靚不分年齡性別，近年主力內地發展嘅東東，因為要返香港幫手做《雷頌德 Thank You演唱會》，所以順便幫港台出席宣傳活動。
做戶外騷，撞正打風前夕，又熱又焗又冇風，同場嘅阿 Sa、 Lam仔林德信等，個個熱到皮笑肉不笑，反而東東愈曬愈高漲，仲捲起衫袖，响出名周身肌肉嘅郭富城面前晒麒麟臂，加上連串騎呢甫士，東東果然北味濃郁。
盡騷操肌成效，不過八珍最留意都係東東塊膠面，堅固程度，仲硬過佢對老鼠仔。其實男人有少少皺紋唔算過分，夾硬留住青春，何必呢！
响城城身邊晒麒麟臀，東東好自信！ 
工作重心轉移內地，就連搵佢合照嘅 fans，都好國產。 
阿 Sa曬到幾乎想暈，亦不忘攞住印有公司 logo嘅雨遮賣廣告。
城城被安排上台乾蒸聽大會發言，熱到成身濕晒，正常！ 
撰文：八珍
全站熱搜
留言列表
