close
志偉吹雞,七女一 call即到,但個個年紀有番咁上下,加上又係抄韓劇,真係可以救到收視?
同你吟一吟
曾志偉中女救亡
七大中女坐鎮,上個禮拜四(六月二十日)仲搞咗佢大型發布會。雖然夠分量,但高清年代嘅今日,李若彤無可能扮番姑姑,李麗珍再唔係蜜桃成熟時,為咗溝淡啲,志偉另外再搵多七位少女扮演佢哋嘅年輕版,分散觀眾注意力。
數數手指,七個之中年紀最大嘅係 47歲李麗珍,最後生係話自己 39歲嘅李若彤,要佢哋出山拍劇,救唔救到收視未知,八珍覺得最緊要係執執個樣,救咗佢哋塊面先。
春青係唔係人為,呃唔到人,你睇 47歲李麗珍嘅笑容,同 21歲嘅王敏奕相比,唔使我形容。
李若彤話第一眼見到「邦民女」陳嘉寶,就覺得對方對眼同自己好似,旁邊嘅曾志偉補充,因為劇中李若彤花名叫洗衫板,所以兩個連身材都似,李若彤嬲到出手打曾監製。
撰文:八珍
全站熱搜
留言列表