close
早兩個月，周家蔚水著 look拍修身廣告，搵完奶粉錢，身形馬上打回「圓」形。
同你吟一吟
洪天明兩公婆七個轆
上個星期五（六月二十一日），《壹》仔喺將軍澳見到洪天明兩公婆，揸車去咗清水灣半島，喺屋苑出入口位停低車，天明抱咗隻 poodle落車行入屋苑，而原本坐喺前座乘客位嘅周家蔚，亦自動波落車，轉坐過去司機位。
過咗十五分鐘，就見到天明戴晒頭盔咁揸咗架兩個轆出嚟，先停埋去同老婆噏咗幾句，圓碌碌嘅周家蔚就開住四個轆跟電單車尾行。行行吓，天明擰轉頭望吓老婆，見自己行快咗，又專登停低架電單車喺馬路中心等！等埋老婆係幾細心嘅，不過條馬路兩線來回，點都有啲牙煙囉！仔細老婆嫩，天明下次咪咁啦！
洪天明抱狗仔上樓，周家蔚就落車換位接力做司機，兩公婆分頭行事。 
揸住兩個轆嘅天明停低車，等老婆撻咗車先再起步。 
為咗老婆唔會太落後，天明行行吓突然停低架車响馬路中心，有啲牙煙。
養多個 B之後，擔家洪天明理財更加謹慎，星期日兩公婆去睇雷頌德演唱會，天明身上衣著，同兩日前一模一樣。 
撰文：八珍
全站熱搜
留言列表
