818 娛樂八掛大放送★

好姨廣場

黃宗澤 姣橙出巡

黃宗澤(Bosco)自去年同胡杏兒甩拖後，返內地大半年拍劇搵人仔。諗住佢應該好快搵到第二個，點知dry成年佢今日依然維持單身狀況。32歲Bosco雖然已經有4個物業手，但同鄭嘉穎吸金能力比，重有段距離，但仍屬城中筍盤。

筍盤除有錢之外，個人性格同品味都好緊要。唔知大家有冇留意，近年Bosco衣著不斷咁改變，而且越越型。顏色方面，亦係大多數男仔都會揀黑、白、灰，但會配搭唔同飾物或者圖案比較誇張鞋款。舊年香港時裝設計師協會《十大最佳衣著頒獎禮》先頒個「時尚‧視野」大獎俾佢，證明佢都有fashion sense。

不過平日著素色多佢，原來最鍾意係橙色。早前，黃宗澤為主演劇集《好心作怪》宣傳，活動完、臨開工前佢先淋叫司機，車佢去將軍澳茶餐廳買食醫肚。一身白色打扮佢落車時，拎住個橙色銀包，唔知仲以為係佢女朋友。後好姨再見到Bosco，問佢係咪因為風水問題用個橙色銀包，點知佢話佢自己其實鍾意橙色，好姨真係覺得有意外。

之前黃宗澤話如果《好》劇收視如果有32點，就會著三角泳褲慶祝，唔知佢會唔會揀條鮮艷橙色兌現承諾呢？！