close
拍完兩套《葉問》電視劇，操到好 fit嘅鄭嘉穎攞住劇本，非常留心同幾位女士開會。
同你吟一吟
鄭嘉穎何家勁印人仔
照顧好家人，有傳嘉穎打算响內地開製作公司再搵多啲！早排《壹》仔就响上海威斯汀酒店撞見佢同幾個女人，响 coffee shop密密傾。嘉穎出名大煙癮，但坐咗兩個幾鐘，冇行開半步扯番兩啖，仲全程精神。
至於比鄭嘉穎更早起步，由台灣跳去大陸發展嘅何家勁，憑展昭一角紅到今日，雖然劇酬只係十幾萬人仔，但密密做一樣搵到。大把錢！同朋友行街 shopping，買衫唔使睇價錢，試啱身就買，爽！
至於近一兩年先返內地搵人仔嘅陳錦鴻，剛剛响上海福納電影基地拍完新劇《春天的絞刑架》，煞科當晚，陳錦鴻成晚見佢行來行去同工作人員杯杯清。又係嘅，個個港星都要北上搵食，飲多兩杯打好關係，啱數！
話晒係內地一線小生，開會期間有唔少 fans埋去要求合照，嘉穎笑晒無任歡迎。 
又衫又褲試咗十件，何家勁保養得好，望落唔似五十四歲。 
何家勁食住展昭名氣，喺內地常有商演同廣告，搵唔少。
煞科宴，陳錦鴻白酒杯杯清，努力同內地製作人打好關係。 
响無綫拍劇，陳錦鴻多數做傻仔，返到內地就有機會騷身手，攞雨遮同人對打，三個 take導演就收貨。 
撰文：八珍
全站熱搜
留言列表
