Michelle身前這張黑胡桃木製的大餐枱用後都會出售，「總之乜都唔會嘥。」
名氣生活
張王幼倫 撐香港
童年回憶
以張王幼倫（ Michelle)為首的領賢慈善基金，創會成員個個猛料，包括旅發局主席林建岳、恒基李家誠、新鴻基郭炳湘、南豐集團陳慧慧等，就連白雪仙也新加盟成為領賢榮譽顧問，「陳寶珠同梅雪詩就做我哋 artist in support。」
Michelle一向要求高，她搞的活動絕對有 Q嘜保證。今次她又向高難度挑戰，不但要不同餐廳的米芝蓮大廚合作菜式，仲要一晚玩三款 dining。為了令身處宴會廳的賓客可以「瞬間轉移」， Michelle會利用幻燈、酒店侍應的服飾和食物等，帶出三個不同場景，「香港除咗有 fine dinning，仲有好經典嘅大牌檔、避風塘美食。」出身於杏林世家的 Michelle都食大牌檔？「哈哈！雖然屋企有兩個醫生，但我細個都照喺街邊篤魚蛋、豬皮，生冷嘢都食，我好鍾意刨冰，以前中環有間馬來亞餐室，真係用大嚿冰刨出嚟，加紅豆同鍊奶，好好食！」銅鑼灣避風塘她亦去過一次，「我哋坐喺隻艇度，有其他艇划埋嚟俾我哋揀海鮮、點歌，我記得佢哋唱啲歌都好抵死得意，呢啲都係我哋嘅 memory。」
土炮精英
晚宴即將埋身，負責製作的 Norris和 Albert（左一、二），以及設計枱、凳的 Kent都爭取時間向 Michelle報告進度。 
摺椅有明式圈椅元素，但可以暢順地摺合，一張一張地疊起來。
殺入紅館
「香港！香港！」不但有得食，仲有得買，林建岳、唐英年和澳博執行董事吳志誠都各自捐出私人紅、白酒珍藏拍賣，「佢哋都係世界知名嘅 wine collector，唐英年同 Peter（林建岳）都捐咗幾十萬酒， Louis（吳志誠）嗰兩支都好有來頭，有古仔。」 Michelle更與蘇富比合作，一於為慈善賺到盡，「有部分拍賣品唔會喺當晚 complete，因為現場未必有知音人，拍賣出價最高者仲要等十一月蘇富比公開拍賣，總之一定要拍到至好價錢。」
最特別是晚宴的表演部分，會移師到紅館，欣賞搶到爆的陳奕迅演唱會，「 Eason係領賢青年大使，當晚佢嘅演唱會會為領賢有特別安排，鋼琴家郎朗、結他演奏家楊雪飛、小提琴家文薇，仲有世界拉丁舞冠軍 Troels Bager、 Ina Jeliazkova都會同台演出，用以表達香港係一個國際舞台，音樂無分國籍。」
為了配合演唱會的時間，晚宴五點半已開始酒會，六時有得食，「啱啦！幫我話俾人知，我哋一定會準時入席，因為嗰晚有好多環節，食飯、拍賣之後，分批過紅館睇演唱會，有咁多嘢，唔遲得㗎！」
特別設計的三款制服，包括代表避風塘的黑 tee，口袋位有插原子筆位的大牌檔白色 tee，至於 fine dining的制服……「呢件要保密，唔想冇晒神秘感。」 
領賢的善款會用喺邊？當中包括今年五月贊助由康文署主辦，全球首席女高音 Renee Fleming的演唱會，和翌日在演藝的 master class。
甜品由君悅負責。 
晚宴第一道菜由 Caprice和 Petrus的大廚合作（右圖）；第二道菜更加埋 BOMBANA的大廚一齊煮。 
就連托盤都會隨着場景轉換。
價高者得
林建岳為慈善割愛，捐出這支 Chateau Mouton Rothschild 1986拍賣。
出名愛紅酒的唐英年捐出的佳釀，包括十二支 Haut Brian 1990。
留言列表
