私家居
有 View有 Feel
情調海景
曾經與岳少舊女友陳浥萍開美容院、現為 Laser Central激光皮膚中心老闆娘的周小姐，對住屋的要求，最講究 view及 feel，而這個擁有無敵海景的單位便 啱晒她心水，「我入到 嚟呢度 嘅時候，最鍾意就係個 view，因為個窗係一排過，壓迫感冇咁大，所以我張梳化都係特登向住窗擺放，有時坐 喺度，望住 啲船仔，望住個日落，睇住個海，覺得好寧靜，飲杯紅酒或者香檳，我覺得好 relax。」
除了 view夠正，周小姐亦很喜歡有情調的布置，花、香薰及蠟燭便最能營造情調的效果，「花同蠟燭我好鍾意，去到邊度我都會擺。我覺得女人有 啲蠟燭點綴吓好似 warm啲，哈哈，香薰我就鍾意有少少玫瑰味。」至於花，玫瑰、百合都是周小姐喜愛的種類，不過插真花會惹來小蚊螆，周小姐亦有辦法，「我會點蚊香，同埋有 啲蠟燭可以驅蚊蟲。」
左邊是文殊菩薩、右邊是祂的護法，是以前的喇嘛一邊唸經，一邊用金漆畫的，有過百年歷史。
放在窗台上的蠟燭既可散發香氣也可作點綴。
化繁為簡
周小姐說以前愛古靈精怪傢俬，一屋擺滿裝飾品，或者自己喜愛的 vintage家品，現在的她雖然亦會放一些 vintage擺設，但數量卻大減，因為旨在點綴；例如客廳兩幅超過一百年的菩薩畫像、飯廳的一套古董銀器茶具、主人房的木製古董梳妝枱等，「以前好鍾意擺好多 decorartion，而家想返到屋企簡單 啲、舒服 啲就夠，如果太多 嘢，搞到自己仲好似好多 嘢 喺個腦裡面。」至於顏色方面，白色是基本顏色，但周小姐亦希望有點色彩作襯托，所以客廳白色的梳化會配上彩色條子的背墊。另外，全屋大部分傢俬都是木製，「木比較容易打理，睇上去冇咁多花巧，實際 啲，同埋會有種好 warm嘅感覺。」
十年前購自英國的古董銀茶具，約萬多元。
周小姐喜歡請朋友到家中開 party，一張長的餐 枱自然少不得，玻璃餐 枱及餐椅購自 Tequila KOLA，合共三萬多元。
廚房的 Miele焗爐、燒烤爐等一應俱全，「廚房成組 嘢差唔多一百萬。」
周母有時會到家中作客，所以客房是中式設計。
高床收納
香港人就是多雜物，所以大大小小的櫃子出現在屋內是平常不過的事，有些設計師為了美觀，會以隱藏的方式去設計一些收納櫃子；周小姐亦不例外，客、飯廳分別只是放了一個櫃，其餘雜物全部收在房間，「主人房、仔房同客房 嘅床都係訂造，你知啦，香港地方細，呢度話就話千三呎多 啲，但其實實用面積唔太大，所以床下面全部都係 storage。」高床原來不單只有軟枕，還有大量的收納空間。
主人房內的洗手間是屋主最愛，「冬天最好，可以浸住 喺度睇電視，好 relax。」
兒子熱愛飛機，正在美國修讀航空課程，小時候砌的 lego飛機保存至今。
兒子房間以藍綠的床單及咕作點綴。
約四萬元的木製古董梳妝 枱，廿多年前於連卡佛購買。
主人房的設計簡約，木製高床是訂造，床下有很多空間用作收納雜物。
留言列表
