close
繑實男友嘅陳茵媺個樣甜到漏，莫講話後面位哥仔望到笑，《壹》仔都以為自己影緊婚紗相。
同你吟一吟
陳豪陳茵媺甜行尖咀
盛傳有晒 plan，打算明年拉埋天窗 嘅陳豪陳茵媺，堅持將喜事放入密實袋，封到實一實唔講，不過見佢 哋拍拖甜蜜畫面，就知陳陳聯婚呢一餐走唔甩。
上個禮拜二（十月三十日），陳生同準陳太尖沙咀海港城行街街，沿途陳茵媺笑住繑實陳豪，路過途人見到佢 哋 sweet到震個樣，都忍唔住望到眼定定。
有人話愛情盲目，偏偏陳豪未盲晒，見到《壹》仔影相，陳茵媺後知後覺，怕醜縮手唔敢再繑住未來老公。
當日行街有收穫，陳豪攞住個專賣女裝 嘅 Max&Co袋，自己仲 孭住個大背囊加手提包，粗重工夫男士代勞，陳茵媺輕輕鬆鬆斜 孭 Chanel小手袋行入 LV，不過睇唔 啱，跟住兩個去攞車走，賣甩《壹》仔呢個大燈膽。
陳豪夠晒「精圖文」，背囊手提包戰利品一個攞晒，等女友兩手 fing fing去睇 LV。
怕 咗《壹》仔呢個電燈膽，陳茵媺對鏡頭 say拜拜行人，陳豪殿後護花，輕扶女友膊頭叫佢小心有車，夠晒細心。
拍完拖第二日，陳茵媺著住條白色長裙出席台慶劇《大太監》首映禮，身材 fit到漏，但一如《壹》仔所言，豪嫂要封胸。
同邵美琪勁好傾，又咬耳仔又拖手，姊妹團一定有 Maggie份啦！
全站熱搜
留言列表
