close
最 啱 key
同台拒合照，不過劉浩龍同 Joey嘅打扮，咁 啱都係同茶有關，好合拍！
同你吟一吟
容祖兒唔黐劉浩龍
上個禮拜三（三十一日）商台舉行「叱?樂壇流行榜頒獎典禮」記者會，配合今年大會主題「土炮起來」，一眾歌手扮懷舊現身。
個個花心思打扮，不過都唔及同場上陣嘅拍拖男女容祖兒、劉浩龍搶鏡；自從戀情曝光，今次係首次同台。當日 Joey著住件闊身大花裙，自稱扮緊花花大茶壺，又咁 啱，一身青 BB功夫衫 嘅劉浩龍，就話自己扮以前 嘅茶樓侍應，茶壺同茶博士，果然 啱 key。
難得同場，不過兩個點都唔肯影合照，大會叫影 group photo， Joey係天后，排位企中間，劉浩龍係歌星仔，被安排企外檔，想將二人接近少少都唔得。
事後 Joey話自己冇尷尬，只係唔想太刻意企埋合照或者傾偈，仲話公司冇俾壓力，亦都冇要求商台安排劉浩龍企遠 啲！咁又係，攞人 哋緋聞做新聞，一向係新城強項，睇怕勁爆頒獎禮，你兩個應該走唔甩。
最遙遠
女 嘅企中間，男企大外檔，呢張係佢 哋唯一自願望鏡頭 嘅合照。
最夠膽
據聞今年有望入叱?三甲 嘅 G.E.M.，滿身肉，都敢著窄身裙，堅！
最用心
話明以懷舊做主題，周國賢扮流氓皇帝，連對眉都整埋白色，夠晒細心。
最離題
經常打扮古靈精怪 嘅方皓玟，半個身黐滿紋身貼紙，究竟同懷舊有咩關係？
全站熱搜
留言列表
