第三晚當街攬
深圳等的士時，一陣涼風吹來，怕著短 Tee的男友吹親， JJ唔再避忌，當街繑實男友，用手在他強勁臂彎掃來掃去送暖。
探熱針
東莞密密送 JJ餵飽樊少皇
被踢爆同 JJ賈曉晨拍拖半年後，樊少皇隨即連番遭起底，揭有一個一齊廿年的「前妻」阿霞，為他生了一對仔女， JJ亦負上「小三」之名；三角關係爆煲，樊少皇發聲明澄清與無婚約的「前妻」已分手四年，公開力證 JJ不是第三者。
雖然攞正牌坐正，但有劇在身的 JJ依然咬實唔放，樊少皇在東莞拍戲， JJ不辭勞苦，晚去日返，人釘人上東莞 mark實男友，密密送餵飽樊少皇。
撲上撲落
樊少皇公開同「前妻」攤牌，放下「人夫」包袱，與 JJ攞正牌恩愛。正趕拍無 綫新劇《好心作怪》的 JJ，早前被發現帶埋男友返廠開工，唔耐煩的樊少皇更導演上身，批評燈光打得唔好，又教同 JJ做對手的袁偉豪做戲。
拍拖更開工招來話柄，有指 JJ近期開工趕收工，令劇組不滿；但她一於話之你，繼續專心瘟仔。早前，樊少皇在東莞拍楊盼盼執導的電影《少年英雄》，對與女友分隔兩地，他公開說：「 JJ好忙，佢邊行得開上 嚟探我班！」口不對心！本刊記者發現當晚 JJ已經做人肉速遞，連環幾日北上密密送。
男友處身「東莞的森林」，留香港拍劇的 JJ唔放心，寧願犧牲 瞓覺時間，連續幾晚，一收工即 book中港車，熬兩小時車撲上東莞餵男友。日頭開工九粒鐘拍劇，上到東莞， JJ直奔片場陪樊少皇至凌晨，才一起返回下榻的酒店。宿一宵，翌日早上攰到散咗似的她又馬不停蹄趕返香港開工，晚上收工又再北上，日日如是。
三日唔換衫
當晚六時許，樊少皇開完工即拖 JJ返酒店纏綿一小時，之後黐陳國坤車落深圳食飯。連日頻撲中港餵仔的 JJ，上身衫無換過。
攬實男友的 JJ，如小鳥般貼住，冧爆樊少皇。
第二晚
為男友風塵僕僕的 JJ，陪男友拍戲至夜深便一起返酒店。但二人刻意前後腳進入大堂。
第一晚
當晚在港拍完劇的 JJ，坐車上東莞時已是晚上十時許，但仍坐在片場陪樊少皇拍戲至夜深。
扮唔識
兩個一入酒店扮唔識零交流，樊少皇先行搭上房，女的故意走去招待處問嘢，待樊少皇上房後， JJ才隨後跟上。
消耗戰
連環餵仔，操勞的 JJ上週二（十月三十日）不用開工，之前一晚又撲上東莞會合樊少皇，再一齊落深圳消夜。
過往兩人無論拍拖到沙田食雞粥，還是飛北京撐 枱腳，二人都不在人前表現親暱；但是夜毋須趕頭趕命的 JJ心情輕鬆戒備心低，當街與樊少皇又挨又繑，毫不顧忌。
人釘人消耗男友精力，與樊少皇同場埋位的陳國坤、林子善等見狀，都忍唔住取笑 JJ。「同 JJ拍拖之前，少皇係同陳浩民嗰班人玩，估都估到係咩料，男友長期 喺內地，你估 JJ唔驚咩，所以無論坐車抑或坐飛機，總之一有時間就去 mark實條仔。日日咁香港、東莞撲上撲落，好多時 攰到喺片場瞓着，陳國坤同洪爺（林子善）見到咁，都忍唔住話佢『使唔使拑得咁實呀！』。」一名劇組人員說。
講到尾，一個願打，一個願捱！
早前樊少皇被揭有個一起廿年的「前妻」同一對仔女後，一度令樊 J戀逼向分手邊緣，但最後兩人排除萬難，愛得痴纏。
本週日，晚上在港要做酒吧騷陪睇波，但 JJ全程掛住同男友短訊談心，因知當晚有傳媒採訪，故收工返家無北上。
留言列表
