close
紅到黐晒底嘅溫碧霞雖然耳手都係鑽石，但楊小娟兩件行頭已過千萬，搞到佢都忍唔住望多兩眼。
同你吟一吟
楊小娟千萬打沉溫碧霞
上星期五（二日），溫碧霞、楊小娟同汪詩詩同場出席環保活動做頒獎嘉賓，三位人妻以宇宙嫂打扮最求其， T恤老牛波鞋冇 set頭，兩手亦光脫脫零穿戴，同楊小娟溫碧霞拍埋一齊，隨便到似落街買早餐。
拍埋上行架生嘅溫碧霞同楊小娟身邊，汪詩詩樸素過頭。
講到認真，溫碧霞一身打扮足以去 ball，不過，即使手戴最少四十萬 Cartier鑽錶，依然要輸。話說呂太當日右手一隻十五卡黃鑽戒，左手就戴住隻 1930年出廠嘅 Piaget紅寶古董鑽錶，兩樣嘢，加埋過千萬，成層豪宅上身。
嗱，即使甄子丹要照顧前妻同個十七歲大仔，但以佢拍戲三千萬人仔起跳嘅吸金能力，汪詩詩呢個賢妻 look，實在過於克制，話晒星太，唔使咁慳嘅！ 
全站熱搜
留言列表
