唔使埋位，兩人黐到實細聲講大聲笑，林峯講笑話，氹到葉璇笑到露晒牙。
探熱針
再續前緣 橫店執快錢 林峯有舊菜葉璇陪玩
轉戰內地多年的葉璇，有水喉射住，掟錢開拍三十集電視劇《紫釵奇緣》，監製、女主角身兼兩職，肥水不流別人田，葉璇千挑萬選，搵番十一年前合作無綫劇《再生緣》、舊相好林峯做男主角。橫店開工，二人同場玩到癲，旁若無人。
自詡接拍大陸劇收近四十萬一集拋離三十五萬鄭嘉穎的林峯，全靠葉璇帶挈。
一早吼實
返大陸搵食，同香港買磚頭一樣，愈早入場，愈着數！人辦有葉璇，密執人仔多年，加上肯花時間留守內地，搭棚識人，成功搵到老細投資拍劇，撈埋幕後賺多筆，新劇《紫釵奇緣》，葉璇做女主角霍小玉兼孭埋監製，由故事內容、戲份到角色挑選，獨攬大權。
早前，葉璇在微博搞男主角選舉整色整水，結果都是益自己友，點名要老相好林峯做男主角。開鏡當日，葉璇對住林峯笑咪咪說：「其實一開始構思呢個劇，我心目中 嘅男主角已經係林峯，由佢做有型、打得又癡情 嘅黃衫客，係最適合。」
有下文
前後腳離開賓館出外吃飯，二人的司機同以兜圈及超速兩招撇甩記者。
啤酒當水
憑《雷霆掃毒》的 chok警有份同《大太監》黎耀祥爭視帝的林峯，趁十二月中的頒獎禮未打埋身，留守橫店開工，雖然身為男主角，卻肯降呢與全劇組入住當地廉價賓館，無同葉璇斤斤計較，十分抵諗。
啱 啱開機，林峯與葉璇同場戲份並不多，開完日班仲要拍夜場，林峯索性唔落妝，戴住古裝頭到串燒店食燒烤晚飯。一坐低，未嗌餸先嗌啤酒，啤酒當水飲的他，食住串燒玩微信，其間更多次走到店外傾電話，相當鬼馬。
另一晚，林峯與女主角葉璇同場在山邊拍外景，不用埋位時，二人例必黐實，傾到雞啄唔斷，又不時細聲講大聲笑，對於變晒樣的舊愛林峯，葉璇明顯 冧爆。
一飲而盡，古裝頭時裝身的林峯啤酒當水飲。
飲完幾杯，攞起串燒狼吞虎嚥，食飽仲要開夜班。
一路食一路玩微信，怕俾助手、司機聽到，林峯多次走到店外傾電話。
齊齊失蹤
開工黐埋唔怕耳目多，但收工有下文，葉璇和林峯便提高戒備。有一晚，無夜班通告，住同一賓館的林峯葉璇前後腳坐保母車離開，葉璇先落樓，上車後不停兜圈，之後林峯再坐另一架車出外，司機同樣超晒速，甚至揸上高速。花了近一個小時，終於撇甩記者，二人至凌晨時分，仍未折返。
2012年
葉璇安排自己做唐代美艷歌姬霍小玉，男主角林峯不是負情李益，而是文武兼備仲要癡戀她的黃衫客。
2001年
十一年前合作《再生緣》傳出假戲真做，葉璇介入林峯與李彩華戀情。
作為該劇監製，葉璇為自己安排多個性感舞女造型，誓要引死舊相好林峯。
在清明上河圖開工，林峯司機及助手發現記者，出動遮陣擋影相，林峯表現大方，推開遮陣任影。
留言列表
