百足咁多爪嘅少爺占，搵埋唔少，不過下午茶當 lunch食嘅佢，只係去附近茶餐廳嗌個 23蚊嘅茶餐。儲老婆本喎，梗係要積少成多啦！
媽咪姐
少爺占儲老婆本
近排少爺占搏晒老命搵錢，做電台、電視、開演唱會及開潮服店，原來都係為咗成家立室。早兩日媽咪姐約朋友去九龍城嘆下午茶，撞見佢同個 friend响茶餐廳門口等買下午茶餐，邊等邊吹水，吹得鬼咁開心，唔通講緊娶老婆？
梗係啦，少爺占今年都成 35歲仔啦！仲唔快啲諗吓成家立室嘅事，唔通等到 60歲咩？好彩佢個樣生得嫩，成個 𡃁仔咁。不過佢再唔結婚生仔，第日個仔出世，都冇乜精力同個仔玩囉。
少爺占同女友 Tina拍咗 10幾年拖，係時候拉埋天窗，不過低調開嘅 Tina，前幾日坐住未來老公仔價值 36萬寶馬 X1出街，都笠頂帽再加口罩，誇張咗啲喎！
咪睇少爺占做節目主持得個吹字，其實佢經常會落銅鑼灣自己間潮舖執頭執尾，都幾勤力㗎！
全站熱搜
留言列表
