close
素顏大支嘢
入到化妝品專櫃，周汶錡叉晒腰等店員埋身服侍， VIP都唔使咁大支嘢呀！
媽咪姐
周汶錡真面目
上周，杜德偉出席歐陽德勛、蔡立兒婚禮時，宣布兩年內迎娶細佢 24年、拍拖唔夠兩年嘅圈外嫩口女友 Ice。相反，佢嘅舊愛周汶錡（ Kathy）同法籍男友 Julien Lepeu拍拖 5年，完全冇聲氣，鬼叫人哋男友一直唔主動求婚，嫁鬼咩？
口口聲聲恨結婚嘅 Kathy日前去圓方 Dior買化妝品扮靚，媽咪姐見店員姐姐逐支甲油、逐隻 eye shadow介紹俾呢位熟客。
不過 Kathy等得唔多耐煩，企起身叉腰周圍行。呢日佢唔止素顏以真面目示人，打扮仲好師奶，側面睇仲發現佢個肚仔凸凸，睇嚟佢都係唔使行騷冇 keep fit，所以中年發福囉！女人唔補好易老， Kathy年紀都唔細啦，想早日嫁人，睇嚟都要着緊啲。
叉腰凸肚
素顏街坊裝仲披頭散髮嘅周汶錡，叉起條腰肚凸凸，名模都有鬆懈時。
師奶背影
拎住大袋戰利品走人，周汶錡嘅背影真係同屋邨師奶冇分別。
全站熱搜
留言列表
