close
落斜扶實
整完頭換埋衫，陳山聰同超雲十指緊扣行出嚟。見記者影相，陳山聰塊面愈嚟愈黑。
媽咪姐
小聰子盡忠職守
打份好工，不如搵個好女朋友。學吓陳山聰，拖住賭王女何超雲，去吓 ball做吓騷，使乜拍劇咁辛苦，最近仲話合作搞時裝生意，同 TVB解約！
日前陳山聰同超雲去中環 set頭出席活動，上車落車傍到女友實。媽咪姐覺得佢真係好盡忠職守，就連司機、保鑣嗰份都撈埋，不過全程就黑口黑面。阿聰哥，冇人揸住支槍逼你服侍女朋友㗎！唔該下次開車門時歡容啲！
落車拖實
陳山聰從左邊門落車，即時撲過去右邊門拖實超雲落車。
上車傍實
專車到，陳山聰好緊張咁送超雲上車，又好迅速咁關車門，睇嚟平日訓練有素。
全站熱搜
留言列表
