close
啤咩啤，前世未見過明星呀。﹙設計對白﹚
佘詩曼見到窗前有人，即時瞪大眼回望，防衞性十足。
媽咪姐
去吧！眼超超兵團
係人都鍾意望明星。無他嘅，靚吖嘛，而且少見，唔望咪好蝕底。
好似上周四（ 6月 28日），上海一間電影公司舉行慶祝儀式，香港一班影視紅星齊齊到賀。活動後，佢哋仲敍首後台，一邊摸吓酒杯底一邊吹吓水。不過好死唔死，後台有一大塊玻璃，正正面對大街。每逢路人行過，你眼望我眼，鬼咁似色情場所嗰啲金魚缸。
可能自覺被望蝕，警覺性十足嘅佘詩曼不時眼超超望向大街；嘉賓之一嘅張衞健亦不甘示弱，相繼加入眼超超行列。講真吖，人家望你都係欣賞你啫。唔望，你咪仲。退一步咁諗，大家都會過得好啲。
我又啤埋一份！﹙設計對白﹚
啤夠未呀你…（設計對白）
企喺窗邊嘅張衞健亦被望到周身唔聚財，皺眉對視，身後嘅佘詩曼雖然同肥監製 Wilson吹緊水，亦不忘再次眼超超。
上番台，眾星都收拾情緒，眼神柔和地影相。只嫌身後嘅側田唔合作，苦埋塊面左右，唔知佢想點。
全站熱搜
留言列表
