close
Karen， good job！（設計對白）
呢排「 K先生」經常都係 cap帽、灰恤見人，非常 casual。呢日梳番個頭，着件白恤衫，即刻型晒啊！
媽咪姐
奇洛搞掂莫文蔚
媽咪姐最 like嘅國際巨星奇洛李維斯（ Keanu Reeves）首次自導自演拍攝《太極俠》，呢兩個月仲喺香港取景呀！早前，媽咪姐就喺清水灣現場直擊「 K先生」同莫文蔚（ Karen）拍戲，好興奮呀。
有巨星親自教戲，莫文蔚點敢怠慢，個樣幾咁認真！就算之前俾車撞傷，好快又再投入拍攝。
現場除咗有英國名車做道具，仲出動一部直升機同吊臂作高空拍攝之用，盡顯荷里活風範！由於天氣酷熱，成班工作人員都拍到大汗疊細汗，但喺我偶像細心指導下，好多鏡頭莫文蔚都一 take過完成，掂呀！
講真吖，媽咪姐當日都好想衝去同呢位擁有華人血統嘅型男合照，可惜最後「任務」失敗。事關劇組拍足廿粒鐘，放飯時間都不忘傾劇本對戲，真係唔好意思打擾佢哋。不過可以喺遠處見足「 K先生」咁多粒鐘，媽咪姐都已經心滿意足嘞！
全站熱搜
留言列表
